മലയാളത്തിലെ ഏറ്റവും പുതിയ വെബ് സിരീസ് മാസ്റ്റര്പീസ് സ്ട്രീമീംഗ് ആരംഭിച്ചു. ബ്രോ ഡാഡി എന്ന ചിത്രത്തിന്റെ എഴുത്തുകാരനും തെക്കൻ തല്ലുകേസ് എന്ന സിനിമയുടെ സംവിധായകനുമാണ് ശ്രീജിത്ത് എന് സംവിധാനം ചെയ്തിരിക്കുന്ന സിരീസ് പ്രമുഖ പ്ലാറ്റ്ഫോം ആയ ഡിസ്നി പ്ലസ് ഹോട്ട്സ്റ്റാരിലാണ് പ്രദര്ശനം ആരംഭിച്ചിരിക്കുന്നത്. കേരള ക്രൈം ഫയല്സിന് ശേഷം ഡിസ്നി പ്ലസ് ഹോട്ട്സ്റ്റാറിന്റേതായി മലയാളത്തില് എത്തുന്ന സിരീസ് ആണിത്. രസകരമായ കുടുംബകഥ പറയുന്ന സിരീസ് ആണിത്. രസകരമായ കഥാപാത്ര സൃഷ്ടികളാണ് സിരീസിനെ ശ്രദ്ധേയമാക്കുന്നത്. ഓവര് റിയാക്റ്റിംഗ് റിയ ആളാണ് നിത്യ മേനന് എത്തുന്നത്. ബാലന്സിംഗ് ബിനോയ് എന്നാണ് ഷറഫുദ്ദീന് അവതരിപ്പിക്കുന്ന കഥാപാത്രത്തിന്റെ പേര്. സൈലന്റ് ലിസമ്മയായി ശാന്തി കൃഷ്ണയും മ്യൂട്ടഡ് ചാണ്ടിച്ചനായി രണ്ജി പണിക്കരും ഗോഡ്ഫാദര് കുര്യച്ചനായി അശോകനും ആനിയമ്മയായ മാലാ പാര്വതിയും എത്തുന്നു. ഇവർ നിങ്ങളുടെ ചുറ്റും അല്ല നിങ്ങളുടെ ഉള്ളിൽ തന്നെ ഉള്ളവരാണെന്ന് അണിയറക്കാര് പറയുന്നു. കുടുംബജീവിതത്തെക്കുറിച്ചുള്ള പൊതു ധാരണകളും ഒരു സംതൃപ്ത കുടുംബം എന്ന ആശയവും വിവാഹമോചനത്തെക്കുറിച്ചുള്ള സങ്കല്പങ്ങളും തുടർന്നുള്ള എപ്പിസോഡുകളിൽ വിഷയമാകുന്നു. ഫാമിലി കോമഡിയുടെയും ഹൃദയസ്പർശിയായ ഡ്രാമയുടെയും മികച്ച സംയോജനമാണ് മാസ്റ്റർപീസ് എന്ന് അണിയറക്കാര് പറയുന്നു. എല്ലാ പ്രായത്തിലുമുള്ള കാഴ്ചക്കാർക്കും ഒരുപോലെ ആസ്വദിക്കാൻ കഴിയുന്ന ഒരു യഥാർത്ഥ ഫാമിലി എന്റർടെയ്നർ സ്വഭാവത്തിലുള്ളതാണ് ഈ സീരീസ് എന്നും അവർ കൂട്ടിച്ചേർത്തു. ഇത്തരമൊരു പ്രൊജക്ടിൽ അഭിനയിക്കാൻ സാധിച്ചതിൽ സന്തോഷമുണ്ടെത്തെന്നു നിത്യാ മേനോനും പറഞ്ഞു.
സെൻട്രൽ അഡ്വർടൈസിംഗിന്റെ ബാനറിന് കീഴിൽ മാത്യു ജോർജ് ആണ് മാസ്റ്റർ പേസിന്റെ നിര്മ്മാണം. മലയാളത്തിന് പുറമെ തമിഴ്, തെലുങ്ക്, ഹിന്ദി, കന്നഡ, ബംഗാളി, മറാത്തി തുടങ്ങിയ ഭാഷകളിലും സീരീസ് ലഭ്യമാവും. ജൂണിൽ പ്ലാറ്റ്ഫോമിൽ പ്രദർശിപ്പിച്ച കേരള ക്രൈം ഫയൽസിന്റെ വിജയത്തിന് ശേഷം ഡിസ്നി ഹോട്ട്സ്റ്റാർ സ്ട്രീം ചെയ്യുന്ന മലയാളത്തിലെ രണ്ടാമത്തെ ഒടിടി വെബ് സീരീസ് ആയി മാറി മാസ്റ്റർപീസ് . ജൂൺ’, ‘മധുരം’ തുടങ്ങിയ ഹിറ്റ് ചിത്രങ്ങൾ സംവിധാനം ചെയ്ത അഹമ്മദ് ഖബീർ സംവിധാനം ചെയ്ത ‘ദി കേരള ക്രൈം ഫയൽസ്’ ഒരു കൊലപാതക അന്വേഷണത്തെ ചുറ്റിപ്പറ്റിയാണ്. അഭിനേതാക്കളുടെ പ്രകടനത്തിനും മേക്കിങ്ങിലും ഈ പരമ്പരയ്ക്ക് വിവിധ കോണുകളിൽ നിന്ന് അഭിനന്ദനങ്ങൾ ലഭിച്ചു. നിവിൻ പോളി കേന്ദ്ര കഥാപാത്രമായെത്തുന്ന ഫർമയും ഡിസ്നി പ്ലസ് ഹോട്ടസ്റ്റർ പ്രഖ്യാപിച്ചിട്ടുണ്ട്.