മലയാളത്തിലെ എക്കാലത്തെയും ഹിറ്റ് ചിത്രമാണ് ഹരികൃഷ്ണന്‍സ്. താരരാജാക്കന്മാര്‍ ഒന്നിച്ചെത്തിയ ഹിറ്റ് ചിത്രം. മലയാളി ഇന്നും ആഘോഷിക്കുന്ന ചിത്രം കൂടിയാണ്. 1998-ലിറങ്ങിയ ചിത്രം സംവിധാനം ചെയ്തത് ഫാസിലാണ്. ജൂഹി ചൗളയാണ് താരരാജാക്കന്മാരുടെ നായികയായി എത്തിയത്. ഹരികൃഷ്ണന്മാരുടെ സ്വന്തം മീരയായി ജൂഹി ആരാധക ഹൃദയത്തിലേക്കും കയറി.
എല്ലാ നടിമാരുടെയും സ്വപ്‌നമാണ് രാജാക്കന്മാര്‍ ഒരുമിക്കുന്ന ചിത്രത്തില്‍ അവരുടെ നായികയായി എത്തുന്നത്. ആ ഭാഗ്യം കിട്ടിയത് ജൂഹി ചൗളയ്ക്കാണ്. എന്നാല്‍, ആ വേഷം ആദ്യം എത്തിയത് നടി മീനയ്ക്കായിരുന്നു. പക്ഷെ, ചെയ്യാന്‍ പറ്റിയില്ല. അതിനെപ്പറ്റി പറയുകയാണ് മീന.
‘ഞാന്‍ കഥ കേട്ട്, എനിക്ക് ചെയ്യണമെന്ന് ആഗ്രഹം ഉണ്ടായിട്ടും ഡേറ്റ് ഇല്ലാതെ വിട്ടുപോയ പല സിനിമകളും വേറെ ആള്‍ക്കാര്‍ ചെയ്തിട്ട് അത് വലിയ ഹിറ്റായിട്ടുണ്ട്. ഡേറ്റ് ക്ലാഷ് ആയി സംഭവിച്ചതാണ്. അങ്ങനെ കുറേ സിനിമയുണ്ടായിരുന്നെന്ന് താരം പറയുന്നു.
മമ്മൂക്ക-ലാലേട്ടന്‍ ചിത്രം ഹരികൃഷ്ണന്‍സ്. അതിലെ കോമ്പിനേഷന്‍ സീനുകളെല്ലാം കാണുമ്പോള്‍ ആ ചിത്രം ചെയ്യാന്‍ കഴിയാത്തതില്‍ വിഷമം തോന്നാറുണ്ട്. ഹരികൃഷ്ണന്‍സ് ചെയ്യാന്‍ സാധിക്കാത്തത് വലിയ ഒരു നഷ്ടമാണെന്ന് മീന പറഞ്ഞു. ഇടവേളയ്ക്ക് ശേഷം മീന വീണ്ടും മലയാളത്തില്‍ സജീവമാകുകയാണ്. താരം പ്രധാന കഥാപാത്രമാകുന്ന ആനന്ദപുരം ഡയറിലീസ് റിലീസിന് ഒരുങ്ങിയിരിക്കുകയാണ്.
