ശ്രീനിവാസന് നായകനായി എത്തിയ സിനിമയായിരുന്നു ‘പത്മശ്രീ ഭരത് ഡോ. സരോജ് കുമാര്’ ചിത്രം മോഹന്ലാല് എന്ന നടന വിസ്മയത്തെ കളിയാക്കി ഇറക്കിയതാണ് എന്ന തരത്തിലെല്ലാം അന്ന് വാര്ത്തകള് പ്രചരിച്ചിരുന്നു. ‘പത്മശ്രീ ഭരത് ഡോ. സരോജ് കുമാര്” എന്ന ശ്രീനിവാസന് തിരക്കഥ രചിച്ച ചിത്രം 2012ല് ആണ് റിലീസ് ചെയ്തത്. ഏറെ ചര്ച്ചകള്ക്കും വിവാദങ്ങള്ക്കും ചിത്രം വഴിവെച്ചിരുന്നു. ഇപ്പോഴിതാ അന്ന് ഇതേ കുറിച്ച് സാക്ഷാല് മോഹന്ലാലിനോട് തന്നെ ചോദിച്ച ചോദ്യവും അതിന് താരം നല്കിയ ഉത്തരവുമാണ് വീണ്ടും വൈറലായി മാറുന്നത്. ഒരു പ്രമുഖ ചാനലിന്റെ അഭിമുഖത്തില് വെച്ച് ജോണ് ബ്രിട്ടാസിന്റെ ചോദ്യത്തിനായിരുന്നു അന്ന് ലാലേട്ടന് മറുപടി പറഞ്ഞത്.
സരോജ് കുമാര് എന്ന ചിത്രത്തിലൂടെ ശ്രീനിവാസന് താങ്കളെ പരിഹസിച്ചതാണോ എന്ന ചോദ്യത്തിന് മോഹന്ലാല് നല്കിയ മറുപടി ഇപ്പോള് വീണ്ടും ചര്ച്ചയായി മാറുകയാണ്. ആ സിനിമ തന്നെക്കുറിച്ചുള്ളതല്ല എന്ന് താന് ചിന്തിച്ചാല് പോരെ എന്നാണ് മോഹന്ലാല് പരിപാടിയ്ക്കിടെ പ്രതികരിച്ചത്. താനും ശ്രീനിവാസനും തമ്മില് പിണക്കമൊന്നുമില്ലെന്നും മോഹന്ലാല് പറയുന്നുണ്ട്. ഉദയനാണ് താരത്തിന് ശേഷം തങ്ങള്ക്ക് ഒരുമിച്ച് സിനിമ ചെയ്യാനുള്ള സാഹചര്യം ഇല്ലാതെ പോയതാണ്. പിന്നീട് താന് അദ്ദേഹത്തെ എത്രയോ തവണ കാണുകയും സംസാരിക്കുകയും ചെയ്തിട്ടുണ്ട്. ശ്രീനിവാസന് തന്നെ അപമാനിക്കാന് വേണ്ടി മനഃപൂര്വ്വം ചെയ്ത സിനിമയാണ് സരോജ് കുമാര് എന്ന് താന് വിശ്വസിക്കുന്നില്ലെന്നും മോഹന്ലാല് പറഞ്ഞു. സിനിമക്ക് ശേഷം അതിന്റെ വിവാദങ്ങളുമായി ബന്ധപ്പെട്ട കാര്യങ്ങളൊന്നും ഒരിക്കലും ശ്രീനിവാസനുമായി സംസാരിച്ചിട്ടില്ല. എന്നാല് പലരും ഇത്തരത്തിലുള്ള ചോദ്യങ്ങള് എന്നോട് ഉന്നയിച്ചിട്ടുണ്ടെന്ന് മോഹന്ലാല് തുറന്ന് സമ്മതിക്കുന്നുണ്ട്.