കഴിഞ്ഞ വർഷമാണ് തെന്നിന്ത്യൻ താരറാണി നയൻതാരയും സംവിധായകൻ വിഘ്‌നേശ് ശിവനും വിവാഹിതരായത്. ആറ് വർഷത്തെ പ്രണയത്തിനൊടുവിലാണ് ഇരുവരം വിവാഹിതരായത്. തുടരന്ന് സറോഗസിയിലൂടെ ഇരുവർക്കും ഇരട്ടകുഞ്ഞുങ്ങൾ പിറന്നുവെന്നു വാർത്തയുമെത്തി. ഉയിർ, ഉലകം എന്നാണ് വിഘ്‌നേശും നയൻതാരയും മക്കൾക്ക് പേരിട്ടിരിക്കുന്നത്.
ഇപ്പോഴിതാ 2022 തങ്ങൾക്ക് സമ്മാനിച്ച സന്തോഷങ്ങൾക്ക് നന്ദി അറിയിച്ച് എത്തിയിരിക്കുകയാണ് ഈ താരദമ്പതികൾ. മനോഹരമായ കുറിപ്പും ഒപ്പം മക്കൾക്കും നയൻതാരയ്ക്കുമൊപ്പമുള്ള മനോഹരമായ ചിത്രവും വിഘ്‌നേശ് ശിവൻ പങ്കുവച്ചിട്ടുണ്ട്. മക്കളെ മാറോട് ചേർത്ത് വിക്കിക്ക് സ്‌നേഹചുംബനം നൽകുന്ന നയൻതാരയുടെ ചിത്രമാണ് വിഘ്‌നേശ് പങ്കുവച്ചത്.
വിഘ്‌നേശ് ശിവന്റെ കുറിപ്പ് ഇങ്ങനെയാണ് ” എന്റെ ജീവിതത്തിലെ ഏറ്റവും മനോഹരമായ വർഷമാണ് 2022.തനിക്ക് പ്രായമാകുമ്പോൾ എന്റെ ജീവിതത്തിൽ സന്തോഷവും സംതൃപ്തിയും തോന്നുന്ന എല്ലാ ഓർമകളും ഈ വർഷം മുതലുള്ളതായിരിക്കണം. എന്റെ പ്രണയത്തെ വിവാഹം കഴിച്ചു. എന്റെ തങ്കം നയൻതാര. അനുഗൃഹീതമായ രീതിയിൽ. എന്റെ ജീവിതത്തിലെ ഏറ്റവും മഹത്തായ അവസരത്തിൽ ഇതിഹാസങ്ങളും സൂപ്പർ താരങ്ങളും നിറഞ്ഞ ഒത്തിരി നിമിഷങ്ങൾ ആസ്വദിക്കാൻ കഴിഞ്ഞു. തനിക്കും തന്റെ കുടുംബത്തിനും ഒരു സ്വപ്നതുല്യമായ വർഷമായിരുന്നു ഇത്.രണ്ട് ആൺകുട്ടികളാൽ ഞാങ്ങൾ അനുഗ്രഹിക്കപ്പെട്ടു. ഞാൻ കാണുമ്പോഴെല്ലാം.. ഞാൻ അവരുടെ അടുത്തേക്ക് പോകുമ്പോഴെല്ലാം എന്നെ കണ്ണീരിലാഴ്ത്തുന്നു അവർ. എന്റെ കണ്ണുകളിൽ നിന്നുള്ള കണ്ണുനീർ എന്റെ ചുണ്ടുകൾക്ക് മുമ്പേ അവരെ സ്പർശിക്കുന്നു. താൻ ഒരുപാട് അനുഗൃഹീതനായി എന്ന് എനിക്കെപ്പോഴും തോന്നുന്നു. നന്ദി ദൈവമേ…. കൂടാതെ ഞാൻ ഇഷ്ടപ്പെട്ട ഒരു കഥ നിർമിക്കുകയും റിലീസ് ചെയ്യുകയും ചെയ്ത വർഷമാണിത്. കാത്തുവാക്കുള്ളൈ രണ്ടുകാതൽ. എപ്പോഴും ഹൃദയത്തോട് ചേർന്ന് നിൽക്കുന്ന എന്റെ സിനിമ. ഈ സിനിമയുടെ വാണിജ്യ വിജയത്തിൽ അതിയായ സന്തോഷമുണ്ട്”
