2020 ലെ ലോക്ക്ഡൗണ് സമയത്തായിരുന്നു പ്രമുഖ നടന് ഋഷി കപൂര് ഈ ലോകത്തോട് വിട പറഞ്ഞത്. ദീര്ഘകാലമായി ക്യാന്സറിനോട് പോരാടിയ അദ്ദേഹം 2020 ഏപ്രില് 30നാണ് അന്തരിച്ചത്. ഋഷി കപൂറിന്റെ വേര്പാട് സിനിമാലോകത്തെ മുഴുവന് ഞെട്ടിക്കുന്നതായിരുന്നു. ഇതിഹാസ നടന്റെ വിയോഗത്തിന് ശേഷം നീതു കപൂര്, രണ്ബീര് കപൂര്, റിദ്ധിമ കപൂര് സാഹ്നി എന്നിവര് പൂര്ണ്ണമായും തകര്ന്നിരുന്നു, എന്നാല് പിന്നീട് പതുക്കെ നീതു കപൂര് ജീവിതത്തിലേക്ക് മടങ്ങി വരുകയായിരുന്നു.
ഈ ആഘാതത്തില് നിന്ന് കരകയറാന് നീതു കപൂര് ഒരുപാട് സമയമെടുത്തെങ്കിലും റിയാലിറ്റി ഷോകളില് അവര് ചിരിക്കുകയും നൃത്തം ചെയ്യുകയും പാടുകയും ചെയ്യുന്നത് കണ്ട് ട്രോളന്മാര്ക്ക് അത്ര പിടിച്ചില്ല. അടുത്തിടെ ഒരു അഭിമുഖത്തില്, തന്നെ ആവര്ത്തിച്ച് ട്രോളുന്നതിനെക്കുറിച്ചുള്ള ചോദ്യത്തിന് നീതു കപൂര് മറുപടി നല്കുകയുണ്ടായി. സോഷ്യല് മീഡിയയില് തനിക്ക് മോശവും വൃത്തികെട്ടതുമായ നിരവധി കമന്റുകളാണ് ലഭിക്കുന്നതെന്ന് നീതു കപൂര് തുറന്നു പറഞ്ഞു.
സിനിമയിലെ സുഹൃത്തുമായുള്ള ഒരു സംഭാഷണത്തില്, നീതു കപൂര് പറഞ്ഞു, ‘എന്നെ ട്രോളുന്നവരെ ഞാന് ബ്ലോക്ക് ചെയ്യുകയാണ്. അതിനിടയില് കൊച്ചുകുട്ടികളുമുണ്ടെന്ന് നിങ്ങള് മനസ്സിലാക്കണം, ‘ഹസ്ബന്ഡ് മര് ഗയാ, നിങ്ങള് ആസ്വദിക്കൂ കര് രാഹി ഹേ’. എന്നാണ് അവര് പറയുന്നതെന്നും നീതു കൂട്ടിച്ചേര്ത്തു.
ഒരു വിധവയായ സ്ത്രീ കരയുന്നത് കാണാനാണ് അവര് ആഗ്രഹിക്കുന്നത്, ഇത്തരത്തില് ഒരു വിഭാഗം ആളുകളുണ്ട് എന്നാല് ഞാന് ഈ ആളുകളെ ബ്ലോക്ക് ചെയ്യുമെന്ന് നീതു കപൂര് പറഞ്ഞു. ഞാന് പറയുന്നത് ഇതാണ് ഒരേയൊരു വഴി, ഞാന് ഇങ്ങനെയാകാന് ആഗ്രഹിച്ചു, ഞാന് അങ്ങനെ തന്നെ തുടരും, അതെല്ലാം തരണം ചെയ്യാന് എനിക്ക് കഴിയും. ചിലര് കരഞ്ഞുകൊണ്ട് വിഷമങ്ങളെ മറക്കാന് ശ്രമിക്കുന്നു മറ്റു ചിലര് സന്തോഷത്തോടെയിരുന്നും. എനിക്കൊരിക്കലും എന്റെ ഭര്ത്താവിനെ മറക്കാന് കഴിയില്ല. അദ്ദേഹം എപ്പോഴും എന്റെ ഹൃദയത്തിലുണ്ടാകും, എന്നോടൊപ്പം ഉണ്ടായിരിക്കും, എന്റെ കുട്ടികളും ഞങ്ങളുടെ ജീവിതത്തിന്റെ ഭാഗവുമായിരിക്കും അദ്ദേഹം എപ്പോഴും.’ കുടുംബം ഒരുമിച്ചായിരിക്കുമ്പോഴെല്ലാം ഋഷി കപൂറിനെ കുറിച്ച് മാത്രമേ സംസാരിക്കാറുള്ളൂവെന്നും നീതു പറഞ്ഞു. രണ്ബീര് കപൂറിന്റെ ഫോണിന്റെ സ്ക്രീന് സേവറില് ഇപ്പോഴും അച്ഛന്റെ ചിത്രമാണെന്നും അവര് കൂട്ടിച്ചേര്ത്തു.