കഴിഞ്ഞ ദിവസം സോഷ്യല്‍ മീഡിയയില്‍ വൈറലായി മാറിയ സണ്ണി വെയ്ന്‍ – ലുക്മാന്‍ പൊരിഞ്ഞ അടിയുടെ കാരണം ഇതാ. ഇരുവരും ഒരുമിക്കുന്ന പുതിയ ചിത്രമാണ് ടര്‍ക്കിഷ് തര്‍ക്കം. ചിത്രത്തിന്റെ ടൈറ്റില്‍ മെഗാ സ്റ്റാര്‍ മമ്മൂട്ടി റിലീസ് ചെയ്തു. ഈ തര്‍ക്കം നല്ലതിനാകട്ടെ എന്ന അടിക്കുറിപ്പോടെ സോഷ്യല്‍ മീഡിയയില്‍ നിരവധി താരങ്ങള്‍ ചിത്രത്തിന്റെ ടൈറ്റില്‍ പോസ്റ്ററും മോഷന്‍ പോസ്റ്ററും പങ്കുവച്ചു.
സണ്ണി വെയ്‌നും ലുക്ക്മാനും കേന്ദ്ര കഥാപാത്രങ്ങളില്‍ എത്തുന്ന ഒരുക്കുന്നത് നവാസ് സുലൈമാന്‍ ആണ്. ബിഗ് പിക്‌ചേഴ്‌സിന്റെ ബാനറില്‍ നാദിര്‍ ഖാലിദ് അവതരിപ്പിക്കുന്ന ചിത്രം പ്രൊഡ്യൂസ് ചെയ്തിരിക്കുന്നത് നാദിര്‍ ഖാലിദും അഡ്വക്കേറ്റ് പ്രദീപ് കുമാറും ചേര്‍ന്നാണ്.
ഹരിശ്രീ അശോകന്‍, സുജിത് ശങ്കര്‍, ആമിന നിജാം, ശ്രീരേഖ, ഡയാന ഹമീദ് , ജയശ്രീ തുടങ്ങി അറുപതിലധികം ആര്‍ട്ടിസ്റ്റുകള്‍ ഒന്നിക്കുന്ന ചിത്രമാണ് ടര്‍ക്കിഷ് തര്‍ക്കം. ചിത്രത്തിന്റെ പ്രൊമോഷനുമായി ബന്ധപ്പെട്ടാണ് അടിപിടിയുടെ വീഡിയോ പുറത്തുവിട്ടത്. ചിത്രത്തിന് വേറിട്ട പബ്ലിസിറ്റി മാത്രമാണ് ഉദ്ദേശിച്ചതെന്നും അത് ആരെയെങ്കിലും വേദനിപ്പിച്ചിട്ടുണ്ടെങ്കില്‍ ക്ഷമ ചോദിക്കുന്നുവെന്നും സണ്ണി വെയ്‌നും ലുക്മാനും പുറത്തുവിട്ട വീഡിയോ സന്ദേശത്തില്‍ പറഞ്ഞു.
ടര്‍ക്കിഷ് തര്‍ക്കത്തിന്റെ എഡിറ്റിങ് നിര്‍വഹിക്കുന്നത് കെട്ടിയോളാണ് എന്റെ മാലാഖ, അടിത്തട്ട്, നെയ്മര്‍ തുടങ്ങിയഹിറ്റ് ചിത്രങ്ങളുടെ ചിത്രസംയോജകനായ നൗഫല്‍ അബ്ദുള്ളയാണ്. c/o സൈറാബാനു പോലുള്ള ചിത്രങ്ങള്‍ സമ്മാനിച്ച അബ്ദുല്‍ റഹീം ആണ് ചിത്രത്തിന്റെ ഛായാഗ്രഹണം. ജൂണിലെ മനോഹര ഗാനങ്ങള്‍ ഒരുക്കിയ ഇഫ്തിയാണ് ടര്‍ക്കിഷ് തര്‍ക്കത്തിലെ ഗാനങ്ങള്‍ ഒരുക്കുന്നത്.
സൗണ്ട് ഡിസൈനിങ്ങിന് ഏറെ പ്രാധാന്യമുള്ള ഈ ചിത്രത്തില്‍ നിരവധി ഹോളിവുഡ്, ബോളിവുഡ് ചിത്രങ്ങളില്‍ പ്രവര്‍ത്തിച്ച മലയാളി കൂടിയായ ജിബിന്‍ നേത്ര്വതം നല്‍കുന്ന ടീമാണ് സൗണ്ട് ഡിസൈനിങ് കൈകാര്യം ചെയ്യുന്നത്. ചിത്രത്തിന്റെ എക്സിക്യൂട്ടീവ് പ്രൊഡ്യൂസര്‍ : സിമി ശ്രീ. വസ്ത്രാലങ്കാരം : മഞ്ജുഷ രാധാകൃഷ്ണന്‍, പ്രൊഡക്ഷന്‍ കണ്‍ട്രോളര്‍ : ജിനു.പി.കെ,ഡിസൈന്‍സ് ; തോട്ട് സ്റ്റേഷന്‍,ആര്‍ട്ട് മെഷീന്‍,പി ആര്‍ ഓ: പ്രതീഷ് ശേഖര്‍, എന്നിവരാണ് മറ്റ് അണിയറപ്രവര്‍ത്തകര്‍.
