മലയാളികൾക്ക് ഏറെ സുപരിചിതയായ താരമാണ് പ്രസീത മേനോൻ. മലയാള സിനിമയിൽ വർഷങ്ങൾ കൊണ്ട് അഭിനയിച്ച് വരുന്നുണ്ടെകിലും ഏഷ്യാനെറ്റിൽ സംപ്രേക്ഷണം ചെയ്ത ബഡായി ബംഗ്ലാവിൽ അമ്മായി ആയി എത്തിയതോടെ ആണ് താരം കൂടുതൽ ശ്രദ്ധിക്കപ്പെടുന്നത്. പ്രസീദയുടെ അച്ഛൻ നൈജീരിയയിൽ ഒരു കപ്പൽ കമ്പനിയിൽ വക്കീലായി ജോലി നോക്കുകയായിരുന്നു. പ്രസീതയും കുടുംബവും അച്ഛനൊപ്പം നൈജീരിയയിൽ ആയിരുന്നു. തന്റെ ആറാം ക്ലാസ്സിൽ വെച്ചാണ് താരം കേരളത്തിൽ എത്തി സ്ഥിര താമസം ആക്കുന്നത്. അഭിനയ രംഗത്ത് ഇപ്പോഴും സജീവമാണെങ്കിൽ തന്നെയും ചെന്നൈയിലെ ആര്‍ ആര്‍ ഡോണ്‍ലി എന്ന അമേരിക്കന്‍ കമ്പനിയില്‍ അസിസ്റ്റന്റ് മാനേജരാണ് പ്രസീത. ഇപ്പോൾ മിമിക്രിയിലേക്ക് താൻ കടന്നു വന്നത് എങ്ങനെ ആണെന്ന് പറയുകയാണ് താരം. 
പ്രസീത ഏഴാം ക്‌ളാസിൽ പഠിക്കുമ്പോൾ ആണ് മൂന്നാം മുറ ചിത്രത്തിൽ താരം അഭിനയിക്കുന്നത്. മോഹൻലാൽ ഉൾപ്പടെ നിരവധി താരങ്ങൾ അവിടെ ഉണ്ടായിരുന്നു. കുട്ടി ആയത് കൊണ്ട് തനിക്ക് എല്ലാവരോടും അടുത്ത് ഇടപെഴകാനുള്ള സ്വാതന്ത്രം ഉണ്ടായിരുന്നു. അപ്പോൾ മുതലേ താൻ എല്ലാവരുടെയും സംസാര രീതിയും ശൈലിയും എല്ലാം ശ്രദ്ധിക്കുമായിരുന്നു. പതുക്കെ പതുകെ ഞാൻ അത് അനുകരിക്കാൻ ശ്രമിച്ചു. ആരും കാണാതെ സുരക്ഷിതമായി ബാത്റൂമിൽ വെച്ചായിരുന്നു ഞാൻ മിമിക്രി പ്രാക്ടിസ് ചെയ്തുകൊണ്ടിരുന്നത്. അതിൽ സ്ത്രീയുടെയും പുരുഷന്റെയും എല്ലാം ശബ്‌ദം അനുകരിക്കാൻ ശ്രമിച്ചിരുന്നു. 
എന്റെ ചേച്ചി ആണ് ആദ്യം ഈ രഹസ്യ മിമിക്രി പടുത്തം കയ്യോടെ പൊക്കിയത്. ചേച്ചി നോക്കുമ്പോൾ സ്ഥിരമായി ബാത്റൂമിൽ നിന്ന് ആണുങ്ങളുടെയും പെണ്ണുങ്ങളുടെയും ശബ്‌ദം കേൾക്കുന്നു. അതോടെ സംഭവം ചേച്ചി പൊക്കി. അങ്ങനെ മിമിക്രി പടുത്തം പരസ്യമായി ചെയ്യാൻ തുടങ്ങി. പിന്നീടാണ് ഇതിനൊക്കെ മത്സരങ്ങൾ ഉണ്ടെന്നും അതിൽ നമുക്കും പങ്കെടുക്കാൻ കഴിയും എന്നൊക്കെ അറിയുന്നത്. എന്നാൽ അന്നൊന്നും മിമിക്രിക്ക് പെൺകുട്ടികൾ അങ്ങനെ പോയി തുടങ്ങിയിട്ടില്ല. ഞാൻ ആയിരുന്നു ഞാൻ കേരളത്തിലെ ആദ്യ ഫീമെയിൽ മിമിക്രി ആർട്ടിസ്റ്റ് ആയി മത്സരങ്ങളിൽ പങ്കെടുക്കാൻ തുടങ്ങി.
