ഒരു കാലത്ത് മലയാള സിനിമ രംഗത്ത് സജീവമായി നിന്ന താരമാണ് ഷക്കീല. നിരവധി ചിത്രങ്ങളിൽ കൂടി ആരാധകരുടെ ശ്രദ്ധ നേടിയ താരം ഒരു കാലത്ത് നിരവധി ആരാധകരെയാണ് സ്വന്തമാക്കിയത്. ഒരു കാലത്ത് സൂപ്പർസ്റ്റാർ പടങ്ങൾക്ക് പോലും ആളുകൾ കയറാതിരുന്ന സാഹചര്യത്തിലും ഷക്കീല പടങ്ങൾ കാണാൻ തിയേറ്ററിൽ ആളുകളുടെ തിരക്കായിരുന്നു. എന്നാൽ ഇത്തരം മേനി പ്രദർശിപ്പിക്കുന്ന ചിത്രങ്ങളിലേക്ക് താൻ സ്വന്തം ഇഷ്ടപ്രകാരം കടന്ന് വന്നത് അല്ല എന്നും കുടുംബത്തിലെ കഷ്ടപ്പാടുകൾ കൊണ്ടാണ് അത്തരം സിനിമകൾ ചെയ്യേണ്ടി വന്നത് എന്നും ഷക്കീല തന്നെ പറഞ്ഞിരുന്നു. എന്നാൽ ഇത്തരം സിനിമകളിൽ അഭിനയിച്ച് കാശ് ആയി കഴിഞ്ഞപ്പോഴേക്കും ആ കുടുംബം തന്നെ തള്ളിപ്പറഞ്ഞു എന്നും ഒരിക്കൽ താരം തുറന്ന് പറഞ്ഞിരുന്നു.
ഇപ്പോഴിത ഒരു അഭിമുഖത്തിൽ താരം പറഞ്ഞ കാര്യങ്ങൾ ആണ് പ്രേഷകരുടെ ശ്രദ്ധ നേടിയിരിക്കുന്നത്. താരത്തിന്റെ വാക്കുകൾ ഇങ്ങനെ, എനിക്ക് വിവാഹജീവിതം പറഞ്ഞിട്ടില്ല എന്നാണ് തോന്നുന്നത്. കാരണം രണ്ടു മൂന്നു പ്രണയങ്ങൾ ഒക്കെ എന്റെ ജീവിതത്തിൽ ഉണ്ടായിട്ടുണ്ട്. എന്നാൽ അതൊന്നും വിവാഹത്തിലേക്ക് എത്തിയില്ല. ഒരാൾ ഇപ്പൊൽ ചെന്നൈയിൽ ബിസിനസ് ചെയ്യുന്നു. മറ്റൊരാൾ ഒരു നടൻ ആണ് . അദ്ദേഹത്തിനെ പേര് ഞാൻ പറയുന്നില്ല. വേറെ ഒരാളുമായി പത്ത് വർഷത്തോളം ഉള്ള പ്രണയം ആയിരുന്നു. എന്നാൽ അതും വിവാഹത്തിൽ എത്തിയില്ല. ഈ പ്രണയങ്ങൾ എല്ലാം പാതി വഴിയിൽ അവസാനിപ്പിക്കാനുള്ള കാരണവും ഞാൻ തന്നെയാണ്.
എന്റെ കാമുകന്മാർ എന്റെ കുടുംബത്തിന് വേണ്ടി ഞാൻ ചെയ്യുന്ന കാര്യങ്ങൾ എന്നോട് ചോദിക്കാൻ പാടില്ലായിരുന്നു. കുടുംബത്തിനാണോ ജീവിതത്തിനാണോ പ്രാധാന്യം നൽകിയത് എന്ന് ചോദിച്ചാൽ ഞാൻ എന്റെ ജീവിതം നോക്കാതെ കുടുംബത്തിന് വേണ്ടി ജീവിച്ചു. വിവാഹം കഴിച്ചു കുടുംബമായി ജീവിക്കണം എന്ന് എനിക്ക് ആഗ്രഹം ഉണ്ട്. ഞാൻ ഒരു പെണ്ണ് അല്ലെ, എനിക്കും ആഗ്രഹങ്ങൾ ഇല്ലാതിരിക്കുമോ? പക്ഷെ എനിക്ക് താലിഭാഗ്യം ഇല്ലെന്നാണ് തോന്നുന്നത്. കുഞ്ഞുങ്ങളെ എനിക്ക് ഇഷ്ട്ടമാണ്. പക്ഷെ പ്രസവിക്കാൻ പേടിയാണ്. വേദനിക്കും എന്ന ഭയമാണ് എനിക്ക്. വളരെ ചെറുപ്പത്തിലേ ആ ചിന്ത എന്റെ മനസ്സിൽ കയറിക്കൂടിയത് ആണ് എന്നും ഷക്കീല പറഞ്ഞു.
