മലയാളികളുടെ പ്രിയപ്പെട്ട താര ജോഡികൾ ആണ് സുപ്രിയയും പൃഥ്വിരാജും. പൃഥ്വിയുടെ ഒപ്പം നിന്ന് പൃഥ്വിക്ക് വേണ്ട എല്ലാ സഹായങ്ങളും നൽകുകയാണ് സുപ്രിയ. മലയാളത്തിലെ സൂപ്പർ സ്റ്റാർ ആയി മാറിക്കൊണ്ടിരിക്കുകയാണ് പൃഥ്വിരാജ്, മാധ്യമ പ്രവർത്തക ആയിരുന്നു സുപ്രിയ വിവാഹ ശേഷം തൻറെ ജോലി ഉപേക്ഷിക്കുകയായിരുന്നു. കൊറോണ പരത്തുന്ന ഭീതിയ്ക്കിടയിലും ലോകമെമ്ബാടും ഉള്ള മലയാളികള്‍ ഇന്ന് വിഷു ആഘോഷിക്കുകയാണ്. കഴിഞ്ഞ വര്‍ഷങ്ങളില്‍ എന്ന പോലെ വലിയ ആഘോഷങ്ങള്‍ ഉണ്ടാവെല്ലെങ്കിലും എല്ലാവരും അവരാല്‍ ആവുന്ന പോലെ വിഷു എന്ന പുതുവര്‍ഷത്തെ വരവേല്‍ക്കുകയാണ്.
വിഷു ദിനത്തില്‍ പ്രിയപ്പെട്ടവന്‍ അടുത്തില്ലാത്ത സങ്കടം പങ്കു വയ്ക്കുകയാണ് നടന്‍ പൃഥ്വിരാജിന്റെ ഭാര്യയും നിര്‍മ്മാതാവുമായ സുപ്രിയാ മേനോന്‍. കഴിഞ്ഞ വര്‍ഷം വിഷുവിനു എടുത്ത ഒരു ചിത്രവും അവര്‍ ഇന്‍സ്റ്റാഗ്രാമില്‍ പങ്കു വച്ചിട്ടുണ്ട്. പൃഥ്വിയും സുപ്രിയയും ചേര്‍ന്ന് നിര്‍മ്മിച്ച ‘ഡ്രൈവിംഗ് ലൈസന്‍സ്’ എന്ന ചിത്രത്തിന്റെ ലൊക്കേഷനില്‍ ആയിരുന്നു അവിടെ നടന്ന വിഷു സദ്യയുടെ ചിത്രമാണ് സുപ്രിയ ഇന്‍സ്റ്റാഗ്രാമില്‍ പോസ്റ്റ്‌ ചെയ്തിരിക്കുന്നത്.’കഴിഞ്ഞ വിഷുവിനു എടുത്ത ചിത്രമാണിത്. ഞങ്ങളെ ഞങ്ങളാക്കിത്തീര്‍ക്കാന്‍ സഹായിക്കുന്ന അനേകം കുടുംബങ്ങളുടെ ഒപ്പമാണ് അന്നത്തെ സദ്യ കഴിച്ചത്. ഈ വര്‍ഷം കൊറോണ വൈറസ്‌, ലോക്ക്ഡൌണ്‍ എന്നിവ കാരണം ലോകത്തിന്റെ പല കോണുകളില്‍പെട്ടു പോയ പല കുടുംബങ്ങളെയും പോലെ തന്നെ ഞങ്ങളുടെ കുടുംബവും ഒരുമിച്ചല്ല. പ്രിയപ്പെട്ടവരുമായി എത്രയും പെട്ടെന്ന് ഒന്നിക്കാന്‍ കഴിയും എന്ന് പ്രത്യാശിക്കുകയും പ്രാര്‍ഥിക്കുകയും ചെയ്യാം.
‘
ആട്ജീവിതം’ എന്ന ബ്ലെസി ചിത്രത്തിന്റെ ചിത്രീകരണവുമായി ബന്ധപ്പെട്ടു ജോര്‍ദാനിലാണ് പൃഥ്വിരാജ്. കൊറോണ പ്രതിരോധത്തിന്റെ ഭാഗമായി അവിടെയും ലോക്ക്ഡൌണ്‍ പ്രഖ്യാപിച്ചിരിക്കുന്നതിനാല്‍ അവിടെ കുടുങ്ങിയിരിക്കുകയാണ് പൃഥ്വിയും ബ്ലെസ്സിയും ഉള്‍പ്പടെയുള്ള ചിത്രീകരണ സംഘം.
