ആരാധകലോകം ഏറെ പ്രതീക്ഷയോടെ കാത്തിരിക്കുന്ന ചിത്രമാണ് ബിജു മേനോന് – ആസിഫ് അലി കൂട്ടുകെട്ടിലൊരുങ്ങുന്ന ചിത്രം തലവന്. ജിസ് ജോയ് ആണ് ചിത്രം സംവിധാനം ചെയ്യുന്നത്. ചിത്രത്തിന്റെ പുതിയ അപ്ഡേറ്റ് പങ്കുവച്ചിരിക്കുകയാണ് ടീം. ചിത്രം മെയ് 24 ന് തിയേറ്ററുകളിലേക്ക് എത്തുകയാണ്.
രണ്ട് വ്യത്യസ്ത റാങ്കുകളിലുള്ള പോലീസ് ഓഫീസര്മാരുടെ ഇടയിലുണ്ടാകുന്ന പ്രശ്നങ്ങളാണ് ചിത്രം പറയുന്നത്. ഇന്വെസ്റ്റിഗേറ്റീവ് ത്രില്ലറാണ് തലവന്. അരുണ് നാരായണ് പ്രൊഡക്ഷന്സിന്റെയും ലണ്ടന് സ്റ്റുഡിയോസിന്റെയും ബാനറുകളില് അരുണ് നാരായണ്, സിജോ സെബാസ്റ്റ്യന് എന്നിവരാണ് ചിത്രം നിര്മ്മിക്കുന്നത്. ഈശോ, ചാവേര് എന്നീ ചിത്രങ്ങള്ക്ക് ശേഷം അരുണ് നാരായണ് പ്രൊഡക്ഷന്സ് നിര്മിക്കുന്ന ചിത്രവുമാണ് എന്നത് ശ്രദ്ധേയമാണ്. മലബാറിലെ നാട്ടിന്പുറങ്ങളെ പ്രധാന പശ്ചാത്തലമാക്കിയാണ് ചിത്രം ഒരുങ്ങുന്നത്.
അനുശ്രീ, മിയ, ദിലീഷ് പോത്തന്, കോട്ടയം നസീര്, ശങ്കര് രാമകൃഷ്ണന്, ജോജി കെ. ജോണ്, ദിനേശ്, അനുരൂപ്, നന്ദന് ഉണ്ണി, ബിലാസ് എന്നിവരാണ് ചിത്രത്തില് മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്.
ശരത് പെരുമ്പാവൂര്, ആനന്ദ് തേവരക്കാട്ട് എന്നിവരാണ് ചിത്രത്തിന് തിരക്കഥ ഒരുക്കുന്നത്. ഛായാഗ്രഹണം- ശരണ് വേലായുധന്. എഡിറ്റിംഗ്- സൂരജ് ഇഎസ്, കലാസംവിധാനം- അജയന് മങ്ങാട്, സൗണ്ട്- രംഗനാഥ് രവി, മേക്കപ്പ്- റോണക്സ് സേവ്യര്, കോസ്റ്റ്യൂം- ജിഷാദ്, ചീഫ് അസ്റ്റോസ്സിയേറ്റ് ഡയറക്ടര്- സാഗര്.
അസോസിയേറ്റ് ഡയറക്ടര്മാര്- ഫര്ഹാന്സ് പി ഫൈസല്, അഭിജിത്ത് കെഎസ്, പ്രൊഡക്ഷന് മാനേജര്- ജോബി ജോണ്, പ്രൊഡക്ഷന് എക്സിക്യൂട്ടീവ്- ഷെമീജ് കൊയിലാണ്ടി, പ്രൊഡക്ഷന് കണ്ട്രോളര്- ആസാദ് കണ്ണാടിക്കല്, പിആര്ഒ – വാഴൂര് ജോസ്, ആതിര ദില്ജിത്ത്, ഡിജിറ്റല് മാര്ക്കറ്റിംഗ്- അനൂപ് സുന്ദരന് എന്നിവരാണ് മറ്റ് അണിയറപ്രവര്ത്തകര്.