മനുഷ്യനായാലും മൃഗമായാലും ഒരമ്മ കാണിക്കുന്ന കരുതലും സ്നേഹവും വാക്കുകളില് വിവരിക്കാനാവാത്ത ഒന്നാണ്. തങ്ങളുടെ കുഞ്ഞിനെ സുരക്ഷിതമായി സൂക്ഷിക്കാന് അമ്മമാര്ക്ക് ഏത് പരിധി വരെ പോകാനും കഴിയും, ഈ വൈറല് വീഡിയോ അതിന്റെ വ്യക്തമായ തെളിവാണ്. ഐഎഎസ് ഉദ്യോഗസ്ഥയായ സുപ്രിയ സാഹു ട്വിറ്ററില് പങ്കുവച്ച അമ്മ ആന തന്റെ കുഞ്ഞിനെ മുതലയില് നിന്ന് രക്ഷിക്കുന്ന വീഡിയോ വൈറലാകുന്നു.
ആനക്കുട്ടിയെ മുതല പെട്ടെന്ന് പൊങ്ങി വന്ന് ആക്രമിക്കുന്നതോടെയാണ് വീഡിയോ ആരംഭിക്കുന്നത്. മുതല കുഞ്ഞിന്റെ തുമ്പിക്കൈ ശക്തമായി കടിക്കുന്നത് കാണാം. എന്നിരുന്നാലും, നിമിഷങ്ങള്ക്കകം, അമ്മ ആനയെത്തി ചതുപ്പിലെ മൃഗത്തെ ചവിട്ടി, അത് കുഞ്ഞിനെ വിടുന്നതുവരെ.
Mother elephant rescues baby elephant from the jaws of a crocodile. Elephants are Just Incredible 🐘
Credits – in the Video pic.twitter.com/Hf20e5WKau
— Supriya Sahu IAS (@supriyasahuias) July 30, 2022
‘ആനക്കുട്ടിയെ മുതലയുടെ പിടിയില് നിന്ന് രക്ഷിക്കുന്ന അമ്മ ആന.” എന്ന അടിക്കുറിപ്പോടു കൂടിയാണ് വീഡിയോ പോസ്റ്റ് ചെയ്തത്. നിരവധി പേരാണ് വീഡിയോയ്ക്ക് കമന്റുകളുമായെത്തിയത്. എല്ലാവരും അമ്മ ആനയുടെ ധൈര്യത്തെ അഭിനന്ദിക്കുകയാണ്.