ഇന്‍ഡോറിലെ ഒരു റസ്റ്റോറന്റ് ഉടമയുടെ വെജിറ്റബിള്‍ ബിരിയാണിയുടെ പ്ലേറ്റില്‍ എല്ലുകള്‍ കണ്ടെത്തിയതായുള്ള ഒരു ഉപഭോക്താവിന്റെ പരാതിയില്‍ കേസെടുത്തു. റെസ്റ്റോറന്റ് ഉടമയ്ക്കെതിരെ മധ്യപ്രദേശ് പോലീസ് പരാതി നല്‍കിയിട്ടുണ്ട്. ഇന്‍ഡോറിലെ വിജയ് നഗര്‍ ഏരിയയിലെ ഒരു റെസ്റ്റോറന്റില്‍ പരാതിക്കാരനായ ആകാശ് ദുബെ ഒരു പ്ലേറ്റ് വെജിറ്റബിള്‍ ബിരിയാണി ഓര്‍ഡര്‍ ചെയ്തതായി എഎന്‍ഐ റിപ്പോര്‍ട്ട് ചെയ്തു.
തന്റെ വെജിറ്റേറിയന്‍ ബിരിയാണിയുടെ പ്ലേറ്റില്‍ എല്ലുകള്‍ കണ്ടെത്തിയെന്നും റസ്റ്റോറന്റ് മാനേജരോടും ജീവനക്കാരോടും പരാതിപ്പെട്ടതായും ദുബെ പറഞ്ഞു. ഈ അബദ്ധത്തെ തുടര്‍ന്ന് റസ്റ്റോറന്റ് മാനേജരും ജീവനക്കാരും അദ്ദേഹത്തോട് മാപ്പ് പറഞ്ഞു. വിജയ് നഗര്‍ പോലീസ് സ്റ്റേഷനില്‍ ദുബെ കേസ് രജിസ്റ്റര്‍ ചെയ്തു.
‘വിജയ് നഗര്‍ പോലീസ് റസ്റ്റോറന്റ് മാനേജര്‍ സ്വപ്നില്‍ ഗുജറാത്തിക്കെതിരെ സെക്ഷന്‍ 298 പ്രകാരം എഫ്ഐആര്‍ രജിസ്റ്റര്‍ ചെയ്തിട്ടുണ്ട്. നിലവില്‍ വിഷയം അന്വേഷിക്കുകയാണ്, അതിനുശേഷം തുടര്‍നടപടികള്‍ സ്വീകരിക്കും,’ ഡെപ്യൂട്ടി പോലീസ് കമ്മീഷണര്‍ സമ്പത്ത് ഉപാധ്യായ പറഞ്ഞു.
