മലയാള സിനിമാപ്രേക്ഷകരുടെ പ്രിയനായികമാണ് മീര ജാസ്മിന്. കുറച്ച് നാളുകളുടെ ഇടവേളയ്ക്ക് ശേഷം തിരിച്ച് വരവിനൊരുങ്ങുകയാണ് മീര ജാസ്മിന്. തന്റെ വിശേഷങ്ങളെല്ലാം താരം സോഷ്യല്മീഡിയയിലൂടെ പ്രേക്ഷകര്ക്കായി പങ്ക് വയ്ക്കാറുണ്ട്. ഇപ്പോഴിതാ, സഹോദരന്റെ പിറന്നാളിന് ഇന്സ്റ്റാഗ്രാമിലൂടെ ആശംസകള് നേരുകയാണ് മീര ജാസ്മിന്. സഹോദരനൊപ്പമുള്ള ചിത്രം പങ്കുവെച്ചുകൊണ്ടായിരുന്നു മീരയുടെ പോസ്റ്റ്.
‘ഇന്നലെ എന്റെ ഭാഗ്യമായ, മൂത്ത സഹോദരന്റെ ജന്മദിനമായിരുന്നു. നിന്റെ ആരോഗ്യത്തിനും സമാധാനത്തിനും സമൃദ്ധിക്കും വേണ്ടി എപ്പോഴും ഞാന് ആഗ്രഹിക്കുകയും പ്രാര്ത്ഥിക്കുകയും ചെയ്യുന്നു. ലവ് യു ജോ മോന് കുട്ടാ’ മീര കുറിച്ചു.
അതേസമയം സത്യന് അന്തിക്കാട് സംവിധാനം ചെയ്യുന്ന ചിത്രം ‘മകളിലാണ് മീര ഇപ്പോള് അഭിനയിക്കുന്നത്. മകള് എന്ന സിനിമയുടെ ചിത്രീകരണം പുരോഗമിക്കുകയാണ്. ജയറാമാണ് സിനിമയിലെ നായക കഥാപാത്രത്തെ അവതരിപ്പിക്കുന്നത്.
ഒരു ഇന്ത്യന് പ്രണയകഥ’യുടെ നിര്മ്മാതാക്കളായ സെന്ട്രല് പ്രൊഡക്ഷന്സാണ് ചിത്രം നിര്മ്മിക്കുന്നത്. ഡോക്ടര് ഇക്ബാല് കുറ്റിപ്പുറത്തിന്റേതാണ് രചന. എസ്. കുമാര് ആണ് ഛായാഗ്രഹണം. അമ്പിളിയിലെ ‘ആരാധികേ’ എന്ന ഗാനം അനശ്വരമാക്കിയ വിഷ്ണു വിജയ് സംഗീതം നിര്വഹിക്കും. ഹരിനാരായണനാണ് വരികള് എഴുതുന്നത്.