നീരജ് മാധവ്,ഷെയ്ൻ നിഗം, ആന്റണി വർഗീസ് എന്നിവരെ പ്രധാന കഥാപാത്രങ്ങളാക്കി നവാഗതനായ നഹാസ് ഹിദായത്ത് സംവിധാനം ചെയ്യുന്ന ചിത്രമാണ് ആർഡിഎക്സ്. ആർഡിഎക്സിന്റെ ചിത്രീകരണത്തിലാണ് നടൻ നീരജ് മാധവ് ഇപ്പോൾ. ചിത്രത്തിൽ സേവ്യർ എന്ന കഥാപാത്രത്തെയാണ് നീരജ് അവതരിപ്പിക്കുന്നത്.സോഫിയ പോളിന്റെ വീക്കെൻഡ് ബ്ലോക്ക്ബസ്റ്റേഴ്സാണ് ആർഡിഎക്സ് നിർമ്മിക്കുന്നത്.
ആർഡിഎക്സിന്റെ സെറ്റിൽ സേവ്യർ ആയിരിക്കുന്നതിന്റെ ബിടിഎസ് വീഡിയോ താരം തന്റെ ഇൻസ്റ്റാഗ്രാം ഹാൻഡിൽ പങ്കിട്ടിട്ടുണ്ട്.വീഡിയോ ഷെയർ ചെയ്തുകൊണ്ട് നടൻ കുറിച്ചത് ഇങ്ങനെയാണ് ” സേവ്യർ തന്റെ കൃത്യതയാർന്ന സ്ട്രൈക്കുകളുമായി തയ്യാറാണ്… നിങ്ങളാണോ? സിനിമ മാജിക്ക് ഒരു സമയം ഒരു ഷോട്ട് ഉണ്ടാക്കുന്നു.ഷൂട്ടിംഗിന്റെ അവസാന ഘട്ടം’ എന്നായിരുന്നു ആ പോസ്റ്റ്.
ഒരു ആക്ഷൻ പായ്ക്ക്ഡ് എന്റർടെയ്നറായി എത്തുന്ന ആർഡിഎക്സിന്റെ തിരക്കഥ ഷബാസ് റഷീദും ആദർശ് സുകുമാരനും ചേർന്നാണ് ഒരുക്കിയത്. ഷെയ്ൻ നിഗം, ആന്റണി, നീരജ് മാധവ് എന്നിവർ അവതരിപ്പിച്ച റോബർട്ട്, ഡോണി, സേവ്യർ എന്നീ പ്രധാന കഥാപാത്രങ്ങളുടെ പേരിലാണ് സിനിമയ്ക്ക് ആർഡിഎക്സ് പേരിട്ടിരിക്കുന്നത്. മഹിമ നമ്പ്യാരും ഐമ റോസ്മി സെബാസ്റ്റ്യനുമാണ് നായികമാർ. ലാൽ, ബൈജു സന്തോഷ്, ഷമ്മി തിലകൻ, മാലാ പാർവതി, നിശാന്ത് സാഗർ എന്നിവരാണ് മറ്റ് താരങ്ങൾ.
View this post on Instagram