മലയാളികള്‍ ഏറ്റെടുത്ത ചിത്രമാണ് ബിജു മേനോന്‍ നായകനായെത്തിയ ‘ഷെര്‍ലക് ടോംസ’് എന്ന ചിത്രം. ഇപ്പോഴിതാ ചിത്രത്തിലെ പ്രധാന ഭാഗം ചിത്രീകരിച്ച ഹോട്ടലിനെ കുറിച്ചുള്ള ഒരു കുറിപ്പാണ് വൈറലാകുന്നത്. ‘അങ്കമാലി വഴി യാത്ര ചെയ്യുമ്പോ ഈ ഹോട്ടലിന്റെ മുന്നിലെത്തുമ്പോഴെല്ലാം ‘ഷെര്‍ലക് ടോംസി’ന്റെ ആ ‘സാഹസകൃത്യം’ മനസ്സില്‍ തെളിയും.. ഇന്നും ആ വഴി ഒരു യാത്രയുണ്ടായിരുന്നു.. കഷ്ടിച്ചൊരു എട്ടൊമ്പതടി നീളത്തിലും കൂടിപ്പോയാലൊരു രണ്ടരയടി വീതിയിലുമുള്ള ഒരു പ്രതലത്തില്‍, അതും ആകാശത്തിനും ഭൂമിക്കുമിടയിലായൊരു പോയിന്റില്‍ തന്റെ നായക കഥാപാത്രത്തെ പ്ലെയ്സ് ചെയ്ത് ഒരു മണിക്കുറിലധികം സമയം അവിടെ നിര്‍ത്തി ആറാടിക്കുന്ന രംഗങ്ങള്‍ Conceive ചെയ്യുന്ന വേളയില്‍, ഈ രംഗങ്ങള്‍ അരങ്ങേറ്റുന്നതിനായി സച്ചിയും ഷാഫിയുമൊക്കെ ഏതെങ്കിലും ഒരു പ്രത്യേക ലൊക്കേഷന്‍ മനസ്സില്‍ കണ്ടു കാണുമോ..’ യെന്ന് സെബാസ്റ്റ്യന്‍ സേവ്യര്‍ മൂവി ഗ്രൂപ്പില്‍ പങ്കുവെച്ച കുറിപ്പില്‍ പറയുന്നു.
അങ്കമാലി വഴി യാത്ര ചെയ്യുമ്പോ ഈ ഹോട്ടലിന്റെ മുന്നിലെത്തുമ്പോഴെല്ലാം ‘ഷെർലക് ടോംസി’ന്റെ ആ ‘സാഹസകൃത്യം’ മനസ്സിൽ തെളിയും.. ഇന്നും ആ വഴി ഒരു യാത്രയുണ്ടായിരുന്നു..
കഷ്ടിച്ചൊരു എട്ടൊമ്പതടി നീളത്തിലും കൂടിപ്പോയാലൊരു രണ്ടരയടി വീതിയിലുമുള്ള ഒരു പ്രതലത്തിൽ, അതും ആകാശത്തിനും ഭൂമിക്കുമിടയിലായൊരു പോയിന്റിൽ തന്റെ നായക കഥാപാത്രത്തെ പ്ലെയ്സ് ചെയ്ത് ഒരു മണിക്കുറിലധികം സമയം അവിടെ നിർത്തി ആറാടിക്കുന്ന രംഗങ്ങൾ Conceive ചെയ്യുന്ന വേളയിൽ, ഈ രംഗങ്ങൾ അരങ്ങേറ്റുന്നതിനായി സച്ചിയും ഷാഫിയുമൊക്കെ ഏതെങ്കിലും ഒരു പ്രത്യേക ലൊക്കേഷൻ മനസ്സിൽ കണ്ടു കാണുമോ..
ആണെങ്കിലും അല്ലെങ്കിലും, ഷെർലക് ടോംസ് എന്ന സിനിമയിൽ നായക കഥാപാത്രം ആത്മഹത്യാഭീഷണി മുഴക്കി ഹോട്ടൽ ബാൽക്കണിയിൽ നിലയുറപ്പിക്കുന്ന രംഗങ്ങൾ അതീവ രസകരമാക്കിത്തീർക്കുന്നതിൽ ആ സീനുകൾ ചിത്രീകരിച്ച ബിൽഡിംഗും അതിന്റെ നിർമ്മിതിയിലെ പ്രത്യേകതകളും വലിയൊരു പങ്ക് വഹിച്ചിട്ടുണ്ട്.. തിരക്കുള്ള റോഡും, കഥ ഡിമാന്റ് ചെയ്യുന്നവിധം, താഴെ ആകാംക്ഷയോടെ നോക്കി നിൽക്കുന്ന വലിയൊരു ജനസഞ്ചയത്തെ ഉൾക്കൊള്ളാൻ പാകത്തിനുള്ള തുറസ്സായ സ്ഥലവുമൊക്കെ തൊട്ടടുത്തുള്ളത് ഈയൊരു ബിൽഡിംഗിനെ ആ ചിത്രത്തിലേക്കുള്ള ഒരു Apt ലൊക്കേഷനാക്കി മാറ്റി എന്ന് പറയാം..
തിരക്കഥയിലെ സൂക്ഷ്മാംശങ്ങൾക്കു പോലും ഏറ്റവും അനുയോജ്യമാംവിധം തെരഞ്ഞെടുക്കപ്പെട്ട ലൊക്കേഷനുകളായി എനിക്ക് തോന്നിയിട്ടുള്ള ഇടങ്ങളിലൊന്ന് തന്നെയാണ് ‘ഷെർലക് ടോംസിലെ’ ഒരു പ്രധാന ലൊക്കേഷനായി മാറിയ, അങ്കമാലിയിലുള്ള ‘The Surya’ എന്ന ഹോട്ടൽ ബിൽഡിംഗ്..
