തന്നിലെ നടന്‍ എത്രത്തോളും വളര്‍ന്നു എന്ന് ഒരിക്കല്‍കൂടി പ്രേക്ഷകര്‍ക്ക് മുന്നില്‍ തെളിയിച്ച് തന്നിരിക്കുകയാണ് പ്രണവ് മോഹന്‍ലാല്‍ ഹൃദയം എന്ന സിനിമയിലൂടെ. വിനീത് ശ്രീനിവാസന്റേയും സുഹൃത്തുക്കളുടേയും രണ്ട് വര്‍ഷത്തോളമുള്ള പ്രയത്‌നങ്ങള്‍ക്കൊടുവില്‍ പിറന്ന ഒരു സിനിമ കൂടിയാണ് ഹൃദയം. അന്ന് പ്രണവിന്റെ അഭിനയത്തെ വിമര്‍ശിച്ചവരെക്കൊണ്ട് തന്നെ അപ്പു കൊള്ളാം എന്ന് മാറ്റി പറയിപ്പിച്ചിരിക്കുകയാണ് താരം. ഒരു നടന്‍ എന്നതിലുപരി പ്രണവ് മോഹന്‍ലാലിന്റെ ലളിത ജീവിത ശൈലി വളരെക്കാലം മുന്‍പേ പ്രേക്ഷകര്‍ക്കിടയില്‍ അത്ഭുതം സൃഷ്ടിച്ച ഒരു കാര്യമാണ്.
ഒറ്റയ്ക്കുള്ള യാത്രകളും ലൡതമായ ജീവിത ശൈലിയും ഇഷ്ടപ്പെടുന്ന ഒരാളാണ് പ്രണവ്. അത് പ്രേക്ഷകര്‍ക്ക് ബോധ്യപ്പെടുകയാണ് വീണ്ടും. മകന്‍ ഇത്ര ലളിതമായി ജിവിക്കുന്നതില്‍ അമ്മ സുചിത്രയ്ക്ക് പോലും വിഷമം സൃഷ്ടിച്ച ഒരു കാര്യമായിരുന്നു എന്നാല്‍ പ്രണവിന്റെ ഇഷ്ടം അതാണെന്ന് മനസ്സിലാക്കി അവരും കൂടെ നില്‍ക്കുകയാണ് ചെയ്തത്. ഇപ്പോഴിതാ നടന്റെ സിംപ്ലിസിറ്റി കാണിക്കുന്ന ഹൃദയം ഷൂട്ടിംഗ് സെറ്റിലെ അനുഭവങ്ങള്‍ പറയുകയാണ് സംവിധായകന്‍ വിനീത് ശ്രീനിവാസനും നിര്‍മാതാവ് വിശാഖ് സുബ്രഹ്‌മണ്യവും.
‘അപ്പുവിന്റ ലൈഫ് സ്റ്റൈല്‍ അവനായിട്ട് തീരുമാനിച്ചതാണ്. എന്റെ അറിവില്‍ അവന് രണ്ട് ജീന്‍സും, അഞ്ച് ടീഷര്‍ട്ടുമാണ് നാലഞ്ച് കൊല്ലമായി ഉപയോഗിക്കുന്നത്. ഒരു മഹാത്മാ ഗാന്ധിയുടെ പടമുള്ള ടീഷര്‍ട്ട്, ഒരു മങ്കി ടീഷര്‍ട്ട്, ഒരു കീറിയ ജീന്‍സ്, ഒരു സ്ലിപ്പര്‍ എന്നിവയാണ് അവനുള്ളത്,’ വിശാഖ് പറഞ്ഞു. ‘മലയുടെ മുകളില്‍ ഷൂട്ട് ഉണ്ടായിരുന്നു. വിന്റെര്‍ വെയര്‍ ഉണ്ടോന്ന് അപ്പുവിനോട് ചോദിച്ചപ്പോള്‍ ഒരു ടീഷര്‍ട്ട് എടുത്തു കൊണ്ട് വന്നു. ഇത് എവിടെയോ കണ്ടിട്ടുണ്ടല്ലോ എന്ന് ഞാന്‍ പറഞ്ഞപ്പോള്‍ അവന് പറഞ്ഞത് ഇത് ആദിയില്‍ യൂസ് ചെയ്തതാണ്. ഞാന്‍ ഡ്രെസ്സൊന്നും
മേടിക്കാത്തത് കൊണ്ട് ജീത്തു ചേട്ടന്‍ എന്നോട് എടുത്തോളാന്‍ പറഞ്ഞുവെന്നാണ്,’ വിനീത് ചിരിച്ചുകൊണ്ട് പറഞ്ഞു. ‘ഒരു ദിവസം സെറ്റില്‍ അവന് നല്ലൊരു പാന്റിട്ട് വന്നു. അപ്പൂ ഇന്ന് നല്ല രസമുണ്ടല്ലോ എന്ന് ഞാന്‍ പറഞ്ഞു. അപ്പോള്‍ എല്ലാരും എന്താ ഇങ്ങനെ പറയുന്നേന്നു അവന് സംശയമായി. നന്നായി വരുന്നത് കണ്ടപ്പോള്‍ എല്ലാവര്‍ക്കും അത്ഭുതമായി എന്നും പ്രിയപ്പെട്ട അപ്പുവിനെ കുറിച്ച് വിനീത് ശ്രീനിവാസന്‍ കൂട്ടിച്ചേര്‍ക്കുന്നു.
