മലയാളികൾക്ക് വളരെ പരിചയമുള്ള താരമാണ് ലക്ഷ്മിപ്രിയ, മിനിക്രീനിലും ബിഗ്‌ക്രീനിലുമായി താരം വളരെയധികം തിളങ്ങി, തന്റെ നിലപാടുകൾ തുറന്നു പറയുവാൻ യാതൊരു മടിയും ഇല്ലാത്ത ആളാണ് ലക്ഷ്മിപ്രിയ, ലക്ഷ്മിപ്രിയക്ക് എല്ലാത്തിനും താങ്ങായും തണലായും കൂടെ നിൽക്കുന്ന വ്യക്തിയാണ് താരത്തിന്റെ ഭർത്താവ് ജയ്. അത് കൊണ്ട് തന്നെ സ്വന്തം നിലപാടിൽ ഉറച്ച് നിൽക്കുന്ന താരമാണ് ലക്ഷ്മി പ്രിയ. അതെ പോലെ തന്നെ അഭിപ്രായങ്ങൾ തുറന്ന് പറയുന്നതിൽ യാതൊരു രീതിയിലും മടി കാണിച്ചിരുന്നില്ല.അത് കൊണ്ട് തന്നെ അതിന്റെ പേരിൽ നേരിടേണ്ടിവന്ന എതിര്‍പ്പുകളെ കരുത്തോടെ അഭിമുഖീകരിക്കുകയും ചെയ്തിട്ടുണ്ട്.ഇപ്പോൾ നിലവിൽ സോഷ്യൽ മീഡിയയിൽ ചർച്ചയാകുന്നത് ലക്ഷ്മിപ്രിയയുടെ ഫേസ്ബുക്ക് പോസ്റ്റാണ്.ലക്ഷ്മിപ്രിയ എന്ന പേര് ഏറ്റവും ഔദ്യോഗികമായി സ്വീകരിച്ചതിനെ കുറിച്ചാണ് നടി വിവരിക്കുന്നത്. നെഞ്ചോട് ചേര്‍ത്തുപിടിച്ചവര്‍ക്കും അതെ പോലെ തന്നെ കല്ലെറിഞ്ഞവര്‍ക്കും ലക്ഷ്മിപ്രിയ നന്ദി പറയുന്നു.മറ്റൊരു കാര്യം എന്തെന്നാൽ ഹിന്ദുവായാലും മുസ്ലീമായാലും ഞാന്‍ ഞാനായിക്കുമെന്നും താരം വ്യക്തമാക്കി.
ലക്ഷ്മി പ്രിയ ഫേസ് ബുക്കിൽ കുറിച്ചത് ഇങ്ങനെ…..
ഒരു പേരിൽ എന്തിരിക്കുന്നു എന്ന ചിന്ത കൊണ്ട് മാത്രം കൊണ്ടു നടന്നിരുന്ന എന്റെയാ പഴയ പേര് ഞാൻ ഉപേക്ഷിച്ചിരിക്കുന്നു.നീണ്ട പതിനെട്ടു വർഷം ഞാൻ സബീന ആയിരുന്നു.19 വർഷമായി ഞാൻ ലക്ഷ്മി പ്രിയയും. ഇത് രണ്ടും ചേരുന്ന ഒരാളിനെ കൊണ്ടു നടക്കാൻ എനിക്ക് യാതൊരു ബുദ്ധിമുട്ടും തോന്നിയിരുന്നില്ല. കാരണം ഞാൻ എന്നും ഞാൻ ആയിരുന്നു. എത്ര വലിയ പ്രതിസന്ധി വരുമ്പോഴും ദൈവത്തിന്റെ മാത്രം കരം പിടിച്ചു മറു കര നീന്തിയ വളരെ കരുത്തുള്ള ഒരു സ്ത്രീ.
