നിയമ വിദ്യാർത്ഥിനി ആയിരുന്ന പെരുമ്പാവൂരിൽ കൊല്ലപ്പെട്ട ജിഷയുടെ അമ്മയാണ് രാജേശ്വരി. രാജേശ്വരി ഇനി സിനിമയിലേക്ക്. നവാഗത സംവിധായകന്‍ ബിലാല്‍ മെട്രിക്‌സ് ഒരുക്കുന്ന ‘എന്‍മഗജ ഇതാണ് ലൗ സ്റ്റോറി’ എന്ന സിനിമയിലാണ് രാജേശ്വരി അഭിനയിക്കുന്നത്. തന്നെ നിരവധി അസുഖങ്ങൾ അലട്ടുന്നുണ്ടന്നും എന്നാൽ ചികിൽസിക്കാൻ പണമില്ലാഞ്ഞതിനാലാണ് ഒരു അവസരം ലഭിച്ചപ്പോൾ അഭിനയിക്കാൻ തീരുമാനിച്ചതെന്നുമാണ് രാജേശ്വരി പറഞ്ഞത്. ആദ്യമൊക്കെ നാട്ടുകാർ കുറച്ച് പണം പിരിച്ച് തന്നിരുന്നു. എന്നാൽ അതൊക്കെ പല പല ആവശ്യങ്ങൾക്കായി ഉപയോഗിച്ച് ഇപ്പോൾ കയ്യിൽ പണം ഇല്ല എന്നും തന്നെ ആരും തിരിഞ്ഞു നോക്കുന്നുമില്ല എന്നുമാണ് രാജേശ്വരി പറയുന്നത്. കൂടാതെ തന്റെ മകളെ കൊന്ന കുറച്ച് പേര് ഇപ്പോഴും പുറത്ത് സുഖമായി ജീവിക്കുന്നുണ്ടന്നും അവരെ കുടുക്കണണമെങ്കിൽ തനിക്കും കുറച്ച് പ്രശസ്തി ആവശ്യമാണെന്നും രാജേശ്വരി പറഞ്ഞു. 
താൻ അഭിനയിക്കുന്ന സിനിമ ഒരു നാടിന്റെ കഥ ആണെന്നും സിനിമ വളരെ ആകാംഷ നിറഞ്ഞതാണെന്നും ഈ വര്ഷം തന്നെ ചിത്രം പ്രദര്ശനത്തിനെത്തുമെന്നുമാണ് രാജേശ്വരി അഭിമുഖത്തിൽ പറഞ്ഞത്.
