ജീവിതത്തില് ഒരു കൂട്ടം ചെറുപ്പക്കാര് നേരിട്ട അനുഭവങ്ങളെ സിനിമയാക്കിയപ്പോള് അത് വന് ഹിറ്റ്. 207 കോടിയിലധികം കളക്ടുചെയ്ത് കേരളത്തിലെ എക്കാലത്തെയും മികച്ച വിജയങ്ങളില് ഒന്നായി പ്രദര്ശനം തുടരുകയാണ് ചിദംബരം സംവിധാനം ചെയ്ത ‘മഞ്ഞുമ്മല് ബോയ്സ്.’ മറ്റൊരു ചിത്രത്തിനും ലഭിക്കാത്ത സ്വീകരണമാണ് കേരളത്തിന് പുറത്തും ചിത്രത്തിന് ലഭിക്കുന്നത്. റിലീസ് ചെയ്ത് 31 ദിവസം കഴിഞ്ഞിട്ടും കളക്ഷനില് കാര്യമായ ഇടിവില്ലാതെയാണ് ചിത്രം പ്രദര്ശനം തുടരുന്നത്. 2.15 കോടി രൂപയാണ് ശനിയാഴ്ച മഞ്ഞുമ്മല് ബോയ്സ് നേടിയത്.
Thala MS Dhoni and his close friend Deepak Chahar at Satyam Movies
🌟Crowd Chanting Dhoni Dhoni 🔥 pic.twitter.com/QhvZ8vFE7Q— ICT Fan (@Delphy06) March 24, 2024
ഇപ്പോഴിതാ സാക്ഷാല് ക്യാപ്റ്റന് കൂളും ചിത്രം കണ്ടിരിക്കുകയാണ്. ചെന്നൈയിലെ സത്യം സിനിമാസിലാണ് ധോണിയും സിഎസ്കെ ടീമംഗങ്ങളും മഞ്ഞുമ്മല് ബോയ്സ് കാണാനെത്തിയത്. ദീപക് ചാഹര് അടക്കമുള്ള ടീമംഗങ്ങള്ക്കൊപ്പം സത്യം സിനിമാസില് നിന്ന് പുറത്തുവരുന്ന ധോണിയുടെ ചിത്രങ്ങളാണ് സോഷ്യല്മീഡിയയില് പ്രചരിക്കുന്നത്. മഞ്ഞുമ്മല് ബോയ്സിന്റെ നാല് ഷോകളാണ് സത്യം സിനിമാസില് ഉള്ളത്. തിയറ്ററില് ധോണിയുടെ സാന്നിധ്യം തിരിച്ചറിഞ്ഞ ആരാധകര് ആര്പ്പുവിളികളോടെയാണ് അദ്ദേഹത്തെ വരവേറ്റത്. സിനിമ കഴിഞ്ഞും താരത്തെ കാണാനും ചിത്രമെടുക്കാനുമായി ആരാധകര് തീയറ്ററില് തടിച്ചു കൂടിയിരുന്നു.
ഐപിഎല്ലിലെ ഉദ്ഘാടന മത്സരത്തില് ആറ് വിക്കറ്റിന് റോയല് ചലഞ്ചേഴ്സ് ബെംഗളൂരുവിനെ ചെന്നൈ സൂപ്പര് കിംഗ്സ് മുട്ടുകുത്തിച്ചത്.