ബോളിവുഡിലെ ശ്രദ്ധേയനായ സംവിധായകനാണ് രാം ഗോപാല് വര്മ്മ. സിനിമകളേക്കാള് കൂടുതല് പരാമര്ശങ്ങളിലൂടെയാണ് സംവിധായകന് വൈറലാകാറുള്ളത്. ഇപ്പോഴിതാ താരത്തിന്റെ പുതിയ പോസ്റ്റാണ് ശ്രദ്ധേയമാകുന്നത്. അന്തരിച്ച നടി ശ്രീദേവിയ്ക്കൊപ്പം കാറില് ഇരിക്കുന്ന ചിത്രമാണ് ആര്ജിവി പങ്കുവച്ചത്.
‘ഞാന് ഇവളെ കാണാനായി സ്വര്ഗത്തിലെത്തി’ എന്ന ക്യാപ്ഷനോടെയാണ് ആര്ജിവി പോസ്റ്റ് പങ്കുവച്ചിരിക്കുന്നത്. അരികില് സിഗരറ്റ് വലിച്ച് ഇരിക്കുന്ന ആര്ജിവിയുമുണ്ട്.എഐ സാങ്കേതികവിദ്യയില് സൃഷ്ടിച്ചെടുത്ത ചിത്രമാണ് ആര്ജിവി പങ്കുവച്ചത്.
ശ്രീദേവിയുടെ അടുത്ത സുഹൃത്തുക്കളില് ഒരാളാണ് ആര്ജിവി. ശ്രീദേവിയുടെ ഗ്രേറ്റ് റോബറി, ഗോവിന്ദ ഗോവിന്ദ, ഹൈരാന് എന്നീ ഹിറ്റ് ചിത്രങ്ങള് ഒരുക്കിയത് ആര്ജിവിയാണ്. മുന്പും ശ്രീദേവിയെ കുറിച്ച് ആര്ജിവി പങ്കുവച്ചിരുന്നു. 2018ലാണ് ശ്രീദേവി അന്തരിച്ചത്.
‘ശ്രീദേവിയുടെ ആരാധകര്ക്ക് എന്റെ പ്രണയ ലേഖനം’ എന്നുപറഞ്ഞെഴുതിയ കുറിപ്പില് ഞെട്ടിക്കുന്ന വെളിപ്പെടുത്തലുണ്ടായിരുന്നു. ശ്രീദേവി അതീവ ദു:ഖിതയായിരുന്നെന്ന് ആര്ജിവി പറഞ്ഞിരുന്നു.
അച്ഛന്റെ മരണം വരെ ആകാശത്ത് പറന്നു നടന്നിരുന്ന ശ്രീദേവി പിന്നീട് അമിത സംരക്ഷണം നല്കുന്ന അമ്മയുടെ കൂട്ടിലെ പക്ഷിയെപ്പോലെയായിരുന്നു. ശ്രീദേവിക്ക് ലഭിച്ചിരുന്ന പ്രതിഫലം
അടുത്ത സുഹൃത്തുക്കളെയും ബന്ധുക്കളെയുമാണ് അച്ഛന് ഏല്പ്പിച്ചിരുന്നത്. എന്നാല് അച്ഛന്റെ മരണ ശേഷം ആരും പണം തിരിച്ച് നല്കിയില്ലെന്നും അദ്ദേഹം വെളിപ്പെടുത്തിയിരുന്നു.
