2024 എന്ന വര്ഷം അവസാനിക്കാന് പോകുകയാണ്. മലയാള സിനിമയെ സംബന്ധിച്ച് നല്ല ഒരു വര്ഷമാണ് കടന്ന് പോകുന്നത്. ഇപോൾ തന്റെ ഈ വര്ഷം എങ്ങനെയാണ് എന്ന് പറഞ്ഞ് എത്തിയിരിക്കുകയാണ് നടി അപര്ണ ദാസ്. ഈ വര്ഷം അവസാനിക്കാന് പോകുകയാണ്. എന്റെ വഴികളിലൂടെ എന്നെ നയിച്ച, പിന്തുണച്ച സഹായിച്ച എല്ലാവര്ക്കും നന്ദി പറയാന് ഞാന് ആഗ്രഹിക്കുന്നു. എന്റെ ജീവിതത്തില് ഒരുപാട് നല്ലതും ചീത്തയുമായ കാര്യങ്ങളുണ്ടായി. ചിലത് വേണ്ട എന്ന് വയ്ക്കുന്നത് നല്ലതാണെന്നും, എല്ലാവരും എന്നും നമുക്കൊപ്പം ഉണ്ടാവില്ല എന്നും ഞാന് മനസ്സിലാക്കി നടി പറയുന്നു.
ഞാന് തനിച്ചുള്ള ശാന്തമായ നിമിഷങ്ങളെ സ്നേഹിച്ചു തുടങ്ങി. നമ്മള് കാണിക്കുന്നതോ, മറ്റുള്ളവര് പുറമെ പെരുമാറുന്നതോ ഒന്നും, എപ്പോഴും ഉള്ളില് നിന്നുള്ള പ്രതിഫലനമല്ല എന്ന് ഞാന് തിരിച്ചറിഞ്ഞു. ചെറിയ നിമിഷങ്ങള്ക്ക് ഏറ്റവും വലിയ സന്തോഷം നല്കാന് കഴിയുമെന്നും ഞാന് മനസ്സിലാക്കി. ഓര്മകള് എപ്പോഴും നിലനില്ക്കും, അതുകൊണ്ട് എപ്പോഴും നല്ല ഓര്മകളുണ്ടാക്കിയെടുക്കാന് ശ്രമിക്കുക. 2025 ന് വേണ്ടി കാത്തിരിക്കുന്നു, അപര്ണ ദാസ് പറഞ്ഞു.
ഈ വര്ഷം ആയിരുന്നു അപര്ണയുടെ വിവാഹം നടന്നത്. ദീപക് പറമ്പോലുമായുള്ള വിവാഹം ഏറെ നാള് കാത്തിരിന്ന പ്രണയ സാഫല്യമായിരുന്നു. അത് തന്നെ ജീവിതത്തിലെ വലിയ ഒരു മാറ്റമായിരുന്നു. കരിയറിലും അപര്ണയ്ക്ക് നല്ല ഒരു വര്ഷമാണ് 2024. സീക്രട്ട് ഹോം, സീക്രട്ട് എന്നീ ചിത്രങ്ങളാണ് ഈ വര്ഷം നടിക്കുണ്ടായിരുന്നത്. സീക്രട്ട് ഹോം അത്യാവശ്യം ശ്രദ്ധിക്കപ്പെട്ട സിനിമയായിരുന്നു അപർണ്ണയുടെ കരിയറിൽ.
