നടി വിൻ സി നടൻ ഷൈൻ ടോം ചാക്കോയ്ക്കെതിരെ ഉയർത്തിയ ലഹരി പരാതി ഇപ്പോൾ ഒത്തുതീർപ്പിലേക്ക് എത്തി. ഈ സംഭവത്തിൽ ഷൈൻ ടോം ചാക്കോ ഖേദം പ്രകടിപ്പിച്ചതോടെയും, നടി തനിക്ക് പരാതിയില്ലെന്ന് അറിയിച്ചതോടെയുമാണ് ഒത്തുതീർപ്പായത്. സിനിമയുടെ ഐസി കമ്മിറ്റിക്ക് മുൻപാകെയാണ് പരാതി ഒത്തുതീർപ്പായത്. അവസാനം ഇരുവരും കൈകൊടുത്ത് പിരിഞ്ഞു. സിനിമയുമായി സഹകരിക്കുമെന്നും അറിയിച്ചു. ഐസിസി റിപ്പോർട്ട് ഉടൻ കൈമാറും. കഴിഞ്ഞ ദിവസമാണ് ഇരുവരും, ഐസിസിക്ക് മുൻപാകെ ഹാജരായത്. സിനിമയ്ക്ക് പുറത്ത് പരാതിയുമായി പോകില്ലെന്ന് മുൻപ് വിന്സി വ്യക്തമാക്കിയിരുന്നു.
മാറ്റം വരേണ്ടത് സിനിമാ മേഖലയിലാണെന്ന് നടി പറഞ്ഞു,അതിനാൽ നിയമപരമായി മുന്നോട്ടുപോകാന് താൻ തയ്യാറല്ലെന്നും പറഞ്ഞിരുന്നു.സിനിമാ സംഘടനകളുടെ അന്വേഷണവുമായി സഹകരിക്കും. സിനിമയില് ഇത്തരം കാര്യങ്ങള് ആവര്ത്തിക്കരുത്. ആ ഉറപ്പാണ് എനിക്കുവേണ്ടത്’- എന്നായിരുന്നു വിന് സി നിലപാട് വ്യക്തമാക്കിയത്.
അതേസമയം,’സൂത്രവാക്യം’ സിനിമയുടെ സെറ്റില്വെച്ച് ലഹരി ഉപയോഗിച്ച നടനില്നിന്നും മോശം അനുഭവമുണ്ടായി എന്ന് വിൻ സി വെളിപ്പെടുത്തിയിരുന്നു. പിന്നീട് ഇത് സംബന്ധിച്ച് വിൻ സി ഫിലിം ചേംബറിന് പരാതി നൽകുകയായിരുന്നു. ഈ പരാതി പിന്നീട് പുറത്ത് വരികയും ലഹരി ഉപയോഗിച്ച നടൻ ഷൈൻ ടോം ചാക്കോ ആണെന്ന വിവരം പുറത്ത് വരികയുമായിരുന്നു. പരാതിയുടെ രഹസ്യ സ്വഭാവം നഷ്ടപ്പെട്ടതിനെതിരെ രൂക്ഷ വിമർശനവുമായി വിൻ സി രംഗത്ത് വരികയും ചെയ്തിരുന്നു.
