ആഡംബര വാഹനങ്ങൾ പിടിച്ചെടുക്കുന്ന ഓപ്പറേഷൻ നുംഖോർ പശ്ചാത്തലത്തിൽ നടൻ ദുൽഖർ സൽമാൻ ഹൈക്കോടതിയെ സമീപിച്ചു. പിടിച്ചെടുത്ത വാഹനം വിട്ടുകിട്ടണമെന്നും, കസ്റ്റംസ് നടപടികൾ നിയമവിരുദ്ധമാണെന്നും ചൂണ്ടിക്കാട്ടിയാണ് ഹർജി.
നിയമാനുസൃതമായാണ് വാഹനം സ്വന്തമാക്കിയതെന്നും, വാങ്ങലിനും ഇടപാടുകൾക്കും ബന്ധപ്പെട്ട എല്ലാ രേഖകളും താൻ ഹാജരാക്കിയിട്ടുണ്ടെന്നും ദുൽഖർ വ്യക്തമാക്കുന്നു. രേഖകൾ പരിശോധിക്കാതെയാണ് നടപടി സ്വീകരിച്ചതെന്നും, വാഹനം പിടിച്ചെടുത്ത നടപടി റദ്ദാക്കാൻ നിർദ്ദേശം നൽകണമെന്നുമാണ് ഹർജിയിൽ ആവശ്യപ്പെടുന്നത്.
ദുൽഖറിന്റെ നാല് വാഹനങ്ങളാണ് സംശയ നിഴലിലുള്ളത് — രണ്ട് ലാൻഡ് റോവർ, രണ്ട് നിസാൻ മോഡലുകൾ. ഇതിൽ ഒന്നാണ് ഇപ്പോൾ കസ്റ്റംസിന്റെ കസ്റ്റഡിയിൽ. ഹൈക്കോടതിയിൽ ഹർജി നൽകിയതിന്റെ പിന്നാലെ തന്നെ ദുൽഖറിനെ ചോദ്യം ചെയ്യാൻ വിളിപ്പിക്കാനുള്ള നീക്കത്തിലാണ് കസ്റ്റംസ്.
ഓപ്പറേഷൻ നുംഖോർ തുടരുന്നു
കള്ളക്കടത്താണെന്ന് സംശയിക്കുന്ന 150-ഓളം ആഡംബര വാഹനങ്ങളിൽ 38 എണ്ണം മാത്രമാണ് ഇതുവരെ പിടികൂടാനായത്. അടിമാലിയിലും കൊച്ചി കുണ്ടന്നരിലും നിന്നായി ഇന്നലെ രണ്ട് വാഹനങ്ങൾ കൂടി കസ്റ്റംസ് പിടികൂടി.
കുന്നൂരിൽ നിന്നുള്ള ഫസ്റ്റ് ഓണർ വാഹനത്തെ കേന്ദ്രീകരിച്ച് വിശദമായ അന്വേഷണം ആരംഭിച്ചിട്ടുണ്ട്. ആ വാഹനം ആസാം സ്വദേശി മാഹിൻ അൻസാരിയുടെ ഉടമസ്ഥതയിലുള്ളതാണെന്ന് കണ്ടെത്തി.
ദുൽഖറിനോട് ബന്ധപ്പെട്ടതായി സംശയിക്കുന്ന രണ്ടു വാഹനങ്ങൾക്കായുള്ള തിരച്ചിൽ തുടരുകയാണ്. meanwhile, എൻഫോഴ്സ്മെന്റ് ഡയറക്ടറേറ്റ് (ED) കള്ളപ്പണം വെളുപ്പിക്കൽ (Money Laundering) അന്വേഷണത്തിന്റെ ഭാഗമായി ഉടൻ ECIR രജിസ്റ്റർ ചെയ്യാൻ ഒരുങ്ങുന്നുമാണ് വിവരം.
