കൊച്ചി: കേരളത്തിലെ പ്രാദേശിക തിരഞ്ഞെടുപ്പ് ചൂടിനിടയിൽ താരകുടുംബത്തിൽ നിന്നുള്ള സന്തോഷ വാർത്ത പങ്കുവെച്ച് പ്രാർഥന ഇന്ദ്രജിത്ത്. നടൻ ഇന്ദ്രജിത്തിന്റെയും പൂർണിമയുടെയും മൂത്ത മകളായ പ്രാർഥന, തന്റെ കന്നി വോട്ട് രേഖപ്പെടുത്തി. ആദ്യമായി വോട്ട് ചെയ്തതിന്റെ ആവേശം താരം തന്നെയാണ് സോഷ്യൽ മീഡിയയിലൂടെ ആരാധകരുമായി പങ്കുവെച്ചത്.
അച്ഛൻ ഇന്ദ്രജിത്തിനും അമ്മ പൂർണിമ ഇന്ദ്രജിത്തിനും ഒപ്പമുള്ള ചിത്രം പങ്കുവെച്ചുകൊണ്ടാണ് പ്രാർഥന ഈ സന്തോഷ നിമിഷം അറിയിച്ചത്. “ആദ്യമായി വോട്ട് രേഖപ്പെടുത്തി,” എന്ന അടിക്കുറിപ്പോടെയാണ് പ്രാർഥന പോസ്റ്റ് ചെയ്തത്. വോട്ട് ചെയ്ത ശേഷം വിരലിൽ പുരണ്ട മഷി വ്യക്തമാക്കുന്ന ചിത്രവും താരം പങ്കുവെച്ചിട്ടുണ്ട്.
സോഷ്യൽ മീഡിയയിൽ വലിയ സ്വാധീനമുള്ള താരപുത്രിയാണ് പ്രാർഥന. ചെറിയ പ്രായത്തിൽ തന്നെ പിന്നണിഗാനരംഗത്ത് സജീവമായ പ്രാർഥന, ‘ലാലേട്ടാ’ (മോഹൻലാൽ), ‘ഹെലൻ’, ‘ഓ ബേബി’ തുടങ്ങിയ ചിത്രങ്ങളിലെ ഗാനങ്ങളിലൂടെ ശ്രദ്ധ നേടിയിരുന്നു. അടുത്തിടെ ‘എമ്പുരാന്റെ’ തീം സോങ് ആലപിച്ചതും പ്രാർഥനയായിരുന്നു. കന്നി വോട്ട് ചെയ്ത താരത്തിന് അഭിനന്ദനങ്ങളുമായി നിരവധി പേരാണ് കമന്റ് ബോക്സിൽ എത്തുന്നത്.
