കൊച്ചി: ദിലീപിനെ നായകനാക്കി നവാഗതനായ ധനഞ്ജയ് ശങ്കർ സംവിധാനം ചെയ്ത ‘ഭ ഭ ബാ’ തിയേറ്ററുകളിൽ വമ്പൻ കുതിപ്പ് തുടരുന്നു. റിലീസ് ചെയ്ത ആദ്യ ദിനം തന്നെ കേരള ബോക്സ് ഓഫീസിൽ നിന്ന് മികച്ച കളക്ഷനാണ് ചിത്രം സ്വന്തമാക്കിയിരിക്കുന്നത്. സിനിമാ ട്രാക്കർമാരുടെ റിപ്പോർട്ടുകൾ പ്രകാരം, സമീപകാലത്തിറങ്ങിയ ദിലീപ് ചിത്രങ്ങളിൽ വെച്ച് ഏറ്റവും വലിയ ഓപ്പണിംഗ് ആണ് ‘ഭ ഭ ബാ’യ്ക്ക് ലഭിച്ചിരിക്കുന്നത്.
കളക്ഷൻ റിപ്പോർട്ട്: ആദ്യ ദിനം കേരളത്തിൽ നിന്ന് മാത്രം ചിത്രം ഏകദേശം 2.5 കോടി മുതൽ 3 കോടി രൂപ വരെ നേടിയതായാണ് സൂചന. കുടുംബപ്രേക്ഷകർ കൂട്ടത്തോടെ എത്തിയതും, ദിലീപിന്റെ വിന്റേജ് കോമഡി ടൈമിംഗും കളക്ഷനെ വലിയ രീതിയിൽ സ്വാധീനിച്ചിട്ടുണ്ട്. കേരളത്തിന് പുറത്തും ഗൾഫ് നാടുകളിലും ചിത്രത്തിന് മികച്ച പ്രതികരണമാണ് ലഭിക്കുന്നത്. വരും ദിവസങ്ങളിൽ കളക്ഷൻ ഇനിയും ഉയരുമെന്നാണ് ട്രേഡ് അനലിസ്റ്റുകളുടെ വിലയിരുത്തൽ.
Bhabhaba Review
ലാലേട്ടന്റെ സാന്നിധ്യവും ഹൈപ്പും: ചിത്രത്തിലെ മോഹൻലാലിന്റെ സർപ്രൈസ് അതിഥി വേഷം കാണാൻ ആരാധകർ തിയേറ്ററുകളിലേക്ക് ഒഴുകുന്നത് കളക്ഷൻ വർദ്ധിക്കാൻ പ്രധാന കാരണമായി. ലാലേട്ടന്റെ മാസ്സ് എൻട്രിയും ദിലീപിന്റെ പ്രകടനവും ഒപ്പം വിനീത്-ധ്യാൻ കൂട്ടുകെട്ടും ചേർന്നപ്പോൾ സിനിമ ഒരു കംപ്ലീറ്റ് പാക്കേജായി മാറി. നൂറിൻ ഷെരീഫും ഫഹിം സഫറും ചേർന്നൊരുക്കിയ തിരക്കഥയിലെ ഫ്രഷ് ആയ തമാശകളും യുവാക്കളെ ആകർഷിക്കുന്നുണ്ട്.
