അജയ് ദേവ്ഗൺ പ്രധാന കഥാപാത്രത്തെ അവതരിപ്പിക്കുന്ന ക്രൈം ത്രില്ലർ ചിത്രം ‘ദൃശ്യം 3’ (Drishyam 3: The Conclusion) ബോളിവുഡ് ബോക്സ് ഓഫീസ് റെക്കോർഡുകൾ തകർത്ത് മുന്നേറുന്നു. റിലീസ് ചെയ്ത് ആദ്യ മൂന്ന് ദിവസങ്ങൾ കൊണ്ട് ആഗോളതലത്തിൽ 272.80 കോടി രൂപയാണ് ചിത്രം വാരിയത്.
ഇന്ത്യൻ ബോക്സ് ഓഫീസിൽ നിന്നുമാത്രം മൂന്ന് ദിവസം കൊണ്ട് ചിത്രം 176.50 കോടി രൂപ നെറ്റ് കളക്ഷനും (ഗ്രോസ് 211.80 കോടി) വിദേശ വിപണികളിൽ നിന്ന് 61 കോടി രൂപയും സ്വന്തമാക്കി. ഒന്നാം ദിവസം 62 കോടിയും, രണ്ടാം ദിവസം 53.50 കോടിയും, മൂന്നാം ദിവസം 61 കോടി രൂപയുമാണ് ചിത്രം ഇന്ത്യയിൽ നിന്ന് സമാഹരിച്ചത്.
അഭിഷേക് പഥക് സംവിധാനം ചെയ്ത ഈ മൂന്നാം ഭാഗം ‘ദൃശ്യം’ ഫ്രാഞ്ചൈസിയിലെ മുൻ ചിത്രങ്ങളുടെ ആദ്യ വാരാന്ത്യ കളക്ഷനുകളെ ബഹുദൂരം പിന്നിലാക്കി. അജയ് ദേവ്ഗൺ, തബു എന്നിവർക്കൊപ്പം ജയ്ദീപ് അഹ്‌ലാവത്, പ്രകാശ് രാജ് എന്നിവരും പ്രധാന വേഷങ്ങളിലെത്തിയ ചിത്രം ആദ്യ ആഴ്ചയിൽ തന്നെ 400 കോടി ക്ലബ്ബിൽ ഇടംപിടിക്കുമെന്നാണ് ബോക്സ് ഓഫീസ് ട്രാക്കർമാരുടെ വിലയിരുത്തൽ.
