പൂര്‍ണിമയുടെ അടുത്ത സുഹൃത്തുക്കളിലൊരാളാണ് ഗീതു മോഹന്‍ദാസ്. അടുത്ത സൗഹൃദത്തിലാണ് തങ്ങളെന്ന് വ്യക്തമാക്കി നേരത്തെ താരം എത്തിയിരുന്നു. സോഷ്യല്‍ മീഡിയയില്‍ സജീവമായ പങ്കുവെക്കുന്ന പല പോസ്റ്റുകളും ക്ഷണനേരം കൊണ്ടാണ് വൈറലായി മാറാറുള്ളത്. പൂര്‍ണിമയുടെ കുടുംബത്തിലെ ആഘോഷങ്ങളിലെല്ലാം ഗീതുവും കുടുംബവും പങ്കെടുക്കാറുണ്ട്. ഇവരുടെ മക്കള്‍ തമ്മിലും സുഹൃത്തുക്കളാണ്. പ്രാര്‍ത്ഥനയുടെ പ്രിയപ്പെട്ട സഹോദരിമാരിലൊരാള്‍ കൂടിയാണ് ആരാധന.
ആരാധനയുടെ പിറന്നാളിന് ആശംസ നേര്‍ന്ന് എത്തിയിരിക്കുകയാണ് അമ്മയും മകളും. ഇന്‍സ്റ്റഗ്രാമിലൂടെ പങ്കുവെച്ച പോസ്റ്റുകള്‍ ഇതിനകം തന്നെ വൈറലായി മാറിക്കഴിഞ്ഞിട്ടുണ്ട്. സഹോദരിയായ പ്രിയ മോഹന്റെ മകനായ വര്‍ധാന്‍ എന്ന വേദുവിന്റെ ഒന്നാം പിറന്നാള്‍ ആഘോഷിച്ചത് അടുത്തിടെയായിരുന്നു. ആഘോഷത്തില്‍ ഗീതുവും മകളും പങ്കെടുത്തിരുന്നു. ഇതിന് പിന്നാലെയായി അടുത്ത ആഘോഷത്തിനുള്ള വേദിയൊരുങ്ങിയിരിക്കുകയാണ് ഇപ്പോള്‍. ആരാധനയ്ക്ക് പിറന്നാളാശംസ
നേര്‍ന്നുള്ള പോസ്റ്റുകള്‍ ഇതിനകം തന്നെ വൈറലായി മാറിക്കഴിഞ്ഞിട്ടുണ്ട്. മനോഹരമായ ചിത്രങ്ങളും പൂര്‍ണിമയും പ്രാര്‍ത്ഥനയും പങ്കുവെച്ചിരുന്നു.
എന്റെ ഏറ്റവും പ്രിയപ്പെട്ട കുഞ്ഞിന് പിറന്നാളാശംസ എന്നായിരുന്നു പൂര്‍ണിമ കുറിച്ചത്. ഡോട്ടര്‍ ഫ്രം അനദര്‍ മദര്‍, ഡിസംബര്‍ ബോണ്‍ തുടങ്ങിയ ഹാഷ് ടാഗുകളോടെയാണ് പൂര്‍ണിമ ഇന്ദ്രജിത്ത് പോസ്റ്റിട്ടത്. ആരാധനയ്‌ക്കൊപ്പമുള്ള മനോഹരമായ ചിത്രങ്ങളും താരം പോസ്റ്റ് ചെയ്തിരുന്നു.
അമ്മയ്ക്ക് പിന്നാലെയായാണ് പ്രാര്‍ത്ഥനയും പോസ്റ്റുമായെത്തിയത്. ആരാധന കുഞ്ഞായിരിക്കുന്ന സമയത്തെ കാര്യങ്ങളെല്ലാം ഓര്‍മ്മയുണ്ടെന്നും എന്ന് എടുത്ത് നടന്നത് മറന്നിട്ടില്ലെന്നും പ്രാര്‍ത്ഥന കുറിച്ചിട്ടുണ്ട്. 7 വയസ്സുകാരിയായി മാറിയെന്നത് വിശ്വസിക്കാനാവുന്നില്ല. അത് പോലെ തന്നെ നച്ചുവിനേക്കാളും ഇഷ്ടം തന്നോടാണെന്ന രഹസ്യത്തെക്കുറിച്ച് തനിക്കറിയാമെന്നുമായിരുന്നു പ്രാര്‍ത്ഥന കുറിച്ചത്.ആരാധനയ്‌ക്കൊപ്പം നില്‍ക്കുന്ന ഫോട്ടോയും പ്രാര്‍ത്ഥന പോസ്റ്റ് ചെയ്തിട്ടുണ്ട്. പത്താം ക്ലാസുകാരിയായ പ്രാര്‍ത്ഥനയും സോഷ്യല്‍ മീഡിയയില്‍ സജീവമാണ്.
ഒന്ന് മുതല്‍ പൂജ്യം വരെയെന്ന ചിത്രത്തിലൂടെ ബാലതാരമായാണ് ഗീതു മോഹന്‍ദാസ് സിനിമയിലേക്ക് എത്തിയത്. ബാലതാരത്തില്‍ നിന്നും പിന്നീട് താരത്തിന് നായികയിലേക്ക് പ്രമോഷന്‍ ലഭിക്കുകയായിരുന്നു. നായികയായി മുന്നേറുന്നതിനിടയിലും സംവിധാനമോഹവും താരത്തിനുണ്ടായിരുന്നു. ഷോര്‍ട്ട് ഫിലിമില്‍ തുടങ്ങി പിന്നീട് മൂത്തോനിലേക്കെത്തുകയായിരുന്നു താരത്തിന്‍രെ സംവിധാനം. നിവിന്‍ പോളിയെ നായകനാക്കിയൊരുക്കിയ മൂത്തോന് ഗംഭീര പ്രതികരണമായിരുന്നു ലഭിച്ചത്.
