സുരേഷ് ഗോപിയും ദിലീപും തമ്മിലുള്ള ബന്ധത്തെക്കുറിച്ച് പ്രേക്ഷകര്ക്ക് മുന്പേ അറിയാവുന്നതാണ്. ഇപ്പോഴിതാ ദിലീപിനെ കുറിച്ചുള്ള വാര്ത്തകള് സോഷ്യല് മീഡിയയില് നിറയുമ്പോള് ദിലീപിന് സുരേഷ് ഗോപിയുമായുള്ള ബന്ധത്തെ കുറിച്ച് വീണ്ടും ചര്ച്ച വരികയാണ്. തന്റെ പുതിയ സിനിമയായ കേശു ഈ വീടിന്റെ നാഥന് എന്ന സിനിമയുടെ വിശേഷങ്ങള് പങ്കുവെയ്ക്കുന്നതിന് ഇടയ്ക്കാണ് സുരേഷ് ഗോപിയുമായുള്ള ബന്ധത്തെ കുറിച്ച് ദിലീപ് വീണ്ടും പറഞ്ഞത്. സുരേഷ് ഗോപിയോട് സിനിമയിലേക്ക് തിരിച്ച് വരണമെന്ന് പറഞ്ഞതിനെ കുറിച്ചുള്ള ചോദ്യത്തിനാണ് ദിലീപ് മറുപടി പറഞ്ഞിരിക്കുന്നത്. സുരേഷേട്ടനെ പോലൊരു നടന് സിനിമയില് നിന്ന് മാറി നില്ക്കുക എന്ന് പറയുന്നത് നമുക്ക് വിഷമമുള്ള കാര്യമാണ് എന്നാണ് ദിലീപ് പറയുന്നത്.
സുരേഷേട്ടനെ പോലൊരു നടന് സിനിമയില് നിന്ന് മാറി നില്ക്കുക എന്നൊക്കെ പറയുന്നത് നമുക്ക് വിഷമമുള്ള കാര്യമാണ്. കാരണം താന് സുരേഷേട്ടന്റെ ഒക്കെ സിനിമ കണ്ട് വന്ന ആളാണ്. താന് അദ്ദേഹത്തിന്റെ കൂടെ ചെയ്ത എല്ലാ സിനിമകളും വന് വിജയമായിട്ടമാനത്തെ കൊട്ടാരം എന്ന സിനിമയില് സുരേഷേട്ടന് അതിഥി വേഷത്തില് എത്തി. പിന്നീട് ഒരുപാട് സിനിമകളില് ഒരുമിച്ച് അഭിനയിച്ചു. ഒരു ഇടി ഇടിച്ചാല് മാറി നില്ക്കുമെന്ന് തോന്നുന്ന ആളാണ് മാറി നില്ക്കുന്നത്. പിന്നെ അദ്ദേഹം തനിക്ക് സഹോദരനെ പോലെ ബന്ധമുള്ള ആളാണ്. സുരേഷേട്ടന് മൊത്തത്തില് മാറി നില്ക്കുന്നു എന്ന് പറയുമ്പോള് അദ്ദേഹത്തിന്റെ സഹോദരനായ തനിക്കും അത് എന്തിനാണെന്ന് തോന്നി. അതുകൊണ്ടാണ് അദ്ദേഹത്തെ വിളിച്ച് ചോദിച്ചത്. തന്റെ പ്രശ്നങ്ങള് ഏത് സമയത്തും വിളിച്ച് പറയാന് പറ്റുന്ന ഏട്ടന്മാരില് ഒരാളാണ് സുരേഷ് ഗോപി എന്നാണ് ദിലീപ് ഒരു അഭിമുഖത്തില് പറയുന്നത്.