സൊമാറ്റോ ഡെലിവറി ഏജന്റിനെ സഹായിക്കുന്ന സ്വിഗ്ഗി ഡെലിവറി വ്യക്തിയുടെ അതിശയകരമായ വീഡിയോ സോഷ്യല് മീഡിയയില് പ്രചരിക്കുന്നു. സോഷ്യല് മീഡിയയില് കാണുന്ന മികച്ച വീഡിയോകളിലൊന്നായി മാറിയിരിക്കുകയാണ് ഇതും.
ഡല്ഹിയിലെ തെരുവുകളില് ചിത്രീകരിച്ച വീഡിയോയില് സ്വിഗ്ഗി ഡെലിവറി ചെയ്യുന്നയാള് ബൈക്ക് ഓടിക്കുന്നത് കാണാം. അവന്റെ അരികില്, ഒരു സൊമാറ്റോ ഡെലിവറി വ്യക്തി സൈക്കിള് ഓടിക്കുന്നത് കാണാം. സ്വിഗ്ഗി ഏജന്റ് സൈക്കിള് ചവിട്ടുന്നയാളുടെ കൈപിടിച്ച് ഓടിക്കുകയാണ്. ഇതോടെ ഇയാള്ക്ക് വേഗത്തില് സഞ്ചരിക്കാനാകും.
View this post on Instagram
”ഡല്ഹിയിലെ ഈ കടുത്ത ചൂടുള്ളതും അസഹനീയവുമായ ദിവസങ്ങളില് കണ്ട യഥാര്ത്ഥ സൗഹൃദം,” എന്ന തലക്കെട്ടോടു കൂടിയാണ് വീഡിയോ വൈറലായത്. നിരവധി പേരാണ് വീഡിയോയ്ക്ക് കമന്റുകളുമായെത്തിയത്. യഥാര്ത്ഥ സൗഹൃദം, മികച്ച വീഡിയോകളില് ഒന്ന് എന്നിങ്ങനെ പോകുന്നു കമന്റുകള്.
