വിനയന് സംവിധാനം ചെയ്യുന്ന മെഗാ ബജറ്റ് സിനിമ പത്തൊന്പതാം നൂറ്റാണ്ടിലെ രണ്ടാം ഗാനം പുറത്തിറങ്ങി. റഫീഖ് അഹമ്മദ് എഴുതി എം ജയചന്ദ്രന് സംഗീതം പകര്ന്ന ‘മയില്പ്പീലി ഇളകുന്നു കണ്ണാ’ എന്ന ഗാനമാണ് പുറത്തിറങ്ങിയത്. ഗോകുലം ഗോപാലന് നിര്മ്മിച്ച ചിത്രത്തില് സിജു വില്സന് ആണ് ആറാട്ടുപുഴ വേലായുധ പണിക്കര് എന്ന ചരിത്ര പുരുഷനെ അവതരിപ്പിക്കുന്നത്. മൃദുല വാര്യര്, ഹരിശങ്കര് എന്നിവരാണ് പാടിയിരിക്കുന്നത്. നേരത്തെ ഇറങ്ങിയ പൂതപ്പാട്ടും വലിയ ഹിറ്റ് ആയിരുന്നു. ചിത്രം സെപ്റ്റംബര് എട്ടിനാണ് റിലീസ്.
സംവിധായകന് തന്നെ തിരക്കഥയെഴുതിയ പത്തൊമ്പതാം നൂറ്റാണ്ടിന്റെ സഹ നിര്മ്മാതാക്കള് വി.സി പ്രവീണ്, ബൈജു ഗോപാലന് എന്നിവരാണ്. കൃഷ്ണമൂര്ത്തിയാണ് എക്സിക്യുട്ടീവ് പ്രൊഡ്യൂസര്. കയാദു ലോഹര് ആണ് നായിക. അനൂപ് മേനോന്, ചെമ്പന് വിനോദ്, സുദേവ് നായര്, ഗോകുലം ?ഗോപാലന്, വിഷ്ണു വിനയന്, ടിനിടോം , ഇന്ദ്രന്സ്, രാഘവന്, അലന്സിയര്, മുസ്തഫ, ജാഫര് ഇടുക്കി, ചാലിപാല, ശരണ്, ഡോക്ടര് ഷിനു, വിഷ്ണു ഗോവിന്ദ്, സ്ഫടികം ജോര്ജ്, സുനില് സുഖദ, ജയന് ചേര്ത്തല, ബൈജു എഴുപുന്ന, സുന്ദര പാണ്ഡ്യന് എന്നിവരും ചിത്രത്തിലുണ്ട്.
പശ്ചാത്തല സംഗീതം ഒരുക്കിയത് തമിഴിലെ പ്രമുഖ സംഗീതജ്ഞന് സന്തോഷ് നാരായണനാണ്. ഷാജി കുമാര് ഛായാഗ്രഹണവും വിവേക് ഹര്ഷന് എഡിറ്റിങ്ങും നിര്വഹിച്ചിരിക്കുന്നു. സുപ്രീം സുന്ദര്, രാജശേഖര്, മാഫിയ ശശി എന്നിവര് ഒരുക്കിയ സംഘടന രം?ഗങ്ങള് സിനിമയുടെ പ്രത്യേകതയാണ്. പ്രൊജക്റ്റ് ഡിസൈനര് ബാദുഷ. അജയന് ചാലിശ്ശേരി കലാ സംവിധാനവും പട്ടണം റഷീദ് മേക്കപ്പും നിര്വഹിച്ചിരിക്കുന്നു. വസ്ത്രാലങ്കാരം ധന്യ ബാലകൃഷ്ണന്. പ്രൊഡക്ഷന് കണ്ട്രോളര് : രാജന് ഫിലിപ്പ്.