ഭാരത സര്‍ക്കസ് എന്ന സിനിമയുടെ പോസ്റ്റര്‍ പുറത്തുവിട്ട് മമ്മൂട്ടി. ഷൈന്‍ ടോം ചാക്കോ, ബിനു പപ്പു, എം എ നിഷാദ് എന്നിവര്‍ കേന്ദ്ര കഥാപാത്രങ്ങളെ അവതരിപ്പിച്ച് എത്തുന്ന സിനിമയാണ് ഭാരത സര്‍ക്കസ്. സിനിമയുടെ ഫസ്റ്റ് ലുക്കാണ് മമ്മൂട്ടി ഇപ്പോള്‍ തന്റെ സോഷ്യല്‍ മീഡിയ പേജിലൂടെ പുറത്ത് വിട്ടിരിക്കുന്നത്. പേര് കൊണ്ട് ചിത്രം ശ്രദ്ധ നേടുന്നുണ്ട്. ഭാരത സര്‍ക്കസ് എന്ന സിനിമയ്ക്കും സിനിമയുടെ ഭാഗമായ എല്ലാവര്‍ക്കും ആശംസകള്‍ നേര്‍ന്നാണ് മമ്മൂക്ക പോസ്റ്റ് പങ്കുവെച്ചത്. സോഹന്‍ സീനുലാല്‍ ആണ് ചിത്രം സംവിധാനം ചെയ്യുന്നത്.
ഒരു പൊളിറ്റിക്കല്‍ സറ്റയര്‍ ത്രില്ലര്‍ വിഭാഗത്തില്‍ ഒരുക്കിയ സിനിമയാണ് ഭാരത സര്‍ക്കസ് എന്നാണ് വിവരം. ബെസ്റ്റ് വേ എന്റര്‍ടൈയ്ന്‍മെന്റിന്റെ ബാനറില്‍ അനൂജ് ഷാജി നിര്‍മ്മിക്കുന്ന ഭാരത സര്‍ക്കസിന്റെ കഥയും തിരക്കഥയും സംഭാഷണവും മുഹാദ് വെമ്പായത്ത് ആണ് ഒരുക്കിയിരിക്കുന്നത്. പോസ്റ്ററില്‍ ഷൈന്‍ ടോം ചാക്കോ, ബിനു പപ്പു, എം എ നിഷാദ് എന്നിവരുടെ ഫോട്ടോകളാണ് ഉള്‍പ്പെടുത്തിയിരിക്കുന്നത്. ഇവര്‍ക്ക് പുറമെ, സുധീര്‍ കരമന, ജാഫര്‍ ഇടുക്കി, പ്രജോദ് കലാഭവന്‍,സുനില്‍ സുഖദ, ജയകൃഷ്ണന്‍ , പാഷാണം ഷാജി, ആരാധ്യ ആന്‍, മേഘാ തോമസ്സ്, ആഭിജ, ദിവ്യാ നായര്‍,മീരാ നായര്‍, സരിത ,
അനു നായര്‍,ജോളി ചിറയത്ത്, ലാലി പി എം തുടങ്ങിയവരാണ് ചിത്രത്തില്‍ മറ്റ് കഥാപാത്രങ്ങളെ അവതരിപ്പിച്ച് എത്തുന്നത്. ബിജിബാല്‍ ആണ് സിനിമയുടെ സംഗീത സംവിധാനം നിര്‍വ്വഹിക്കുന്നത്. ക്യാമറ ബിനു കുര്യന്‍, എഡിറ്റര്‍ വി.സാജന്‍,
പ്രൊഡക്ഷന്‍ കണ്ട്രോളര്‍ ദീപക്ക് പരമേശ്വരന്‍, കലാസംവിധാനം പ്രദീപ്, മേക്കപ്പ് റോണക്സ് സേവ്യര്‍ എന്നിവരും നിര്‍വ്വഹിക്കുന്നു.. സിനിമയുടെ ഫസ്റ്റ് ലുക്ക് പങ്കുവെച്ച് മമ്മൂട്ടി എത്തിയതോടെ നിരവധിപ്പേരാണ് സിനിമയ്ക്ക് ആശംസകള്‍ അറിയിച്ച് എത്തുന്നത്.
