ഭാവന സ്റ്റുഡിയോസിന്റെ ബാനറില് ദിലീഷ് പോത്തന്, ഫഹദ് ഫാസില്, ശ്യാം പുഷ്ക്കരന് എന്നിവര് ചേര്ന്നു നിര്മ്മിച്ച തങ്കം എന്ന ചിത്രത്തിന്റെ ഫസ്റ്റ് ലുക്ക് പോസ്റ്റര് പുറത്തുവിട്ടു. ബിജു മേനോന്, വിനീത് ശ്രീനിവാസന്, അപര്ണ ബാലമുരളി എന്നിവരെ പോസ്റ്ററില് കാണാം. നവാഗതനായ സഹീദ് അരാഫത്ത് ആണ് ചിത്രം സംവിധാനം ചെയ്യുന്നത്. ജോജിക്കു ശേഷം ശ്യാം പുഷ്കരന് തിരക്കഥയൊരുക്കുന്ന ചിത്രമാണ് തങ്കം.
ഗിരീഷ് കുല്ക്കര്ണി, വിനീത് തട്ടില്, ശ്രീകാന്ത് മുരളി, അന്തരിച്ച നടന് കൊച്ചു പ്രേമന് തുടങ്ങിയവര്ക്കൊപ്പം നിരവധി മറാഠി, ഹിന്ദി, തമിഴ് അഭിനേതാക്കളും ചിത്രത്തില് വേഷമിടുന്നുണ്ട്. ദംഗല്, അഗ്ലി തുടങ്ങിയ ശ്രദ്ധേയ ബോളിവുഡ് ചിത്രങ്ങളിലൂടെ മലയാളി പ്രേക്ഷകര്ക്കും സുപരിചിതനായ മറാഠി നടനും തിരക്കഥാകൃത്തുമായ ഗിരീഷ് കുല്ക്കര്ണി ആദ്യമായി മലയാളം സിനിമയിലേക്ക് എത്തുന്നു എന്നത് ചിത്രത്തിന്റെ ആകര്ഷണമാണ്. ഗൗതം ശങ്കര് ആണ് ചിത്രത്തിന്റെ ഛായാഗ്രാഹകന്. സംഗീതം ബിജി ബാല്, എഡിറ്റിംഗ് കിരണ് ദാസ്, കലാസംവിധാനം ഗോകുല് ദാസ്, സൗണ്ട് ഡിസൈന് ഗണേഷ് മാരാര്, മേക്കപ്പ് റോണക്സ് സേവ്യര്, ആക്ഷന് സുപ്രീം സുന്ദര്, ജോളി ബാസ്റ്റിന്, വസ്ത്രാലങ്കാരം മഷര് ഹംസ, പ്രൊഡക്ഷന് കണ്ട്രോളര് ബിനു മണമ്പൂര്, സൗണ്ട് മിക്സിങ് തപസ് നായിക്ക്, സഹനിര്മ്മാണം രാജന് തോമസ്, ഉണ്ണിമായ പ്രസാദ്, വി എഫ് എക്സ്- എഗ് വൈറ്റ് വിഎഫ്എക്സ്, ഡി ഐ കളര് പ്ലാനറ്റ് സ്റ്റുഡിയോസ്, എക്സിക്യൂട്ടീവ് പ്രൊഡ്യൂസേഴ്സ് ബെന്നി കട്ടപ്പന, ജോസ് വിജയ്, കോ ഡയറക്ടര് പ്രിനീഷ് പ്രഭാകരന്. പിആര്ഒ ആതിര ദില്ജിത്ത്. ഭാവന സ്റ്റുഡിയോസിന്റെ ബാനറില് നിര്മ്മിക്കപ്പെടുന്ന നാലാമത്തെ ചിത്രമാണിത്.
