മലയാള സിനിമാ ലോകവും ആരാധകലോകവും ഇത്രമേല്‍ കാത്തിരുന്ന മറ്റൊരു ചിത്രമില്ല. ബ്ലെസി-പൃഥ്വിരാജ് കൂട്ടുകെട്ടിലൊരുങ്ങുന്ന ആടുജീവിതത്തിനായി വര്‍ഷങ്ങള്‍ നീണ്ട കാത്തിരിപ്പിലാണ് ആരാധകലോകമുള്ളത്. നാലര വര്‍ഷത്തോളം നീണ്ട ഷൂട്ടിംഗും ചിത്രീകരണം അവസാനിച്ചിട്ട് ഒരു വര്‍ഷമായെങ്കിലും ‘ആടുജീവിതം’ സിനിമയുടെ റിലീസിനെ കുറിച്ച് യാതൊരു വിവരങ്ങളും പുറത്തുവന്നില്ല.
ഇപ്പോഴിതാ കാത്തിരിപ്പിനൊടുവില്‍ ആ പ്രഖ്യാപനം എത്തിയിരിക്കുകയാണ്. ചിത്രത്തിന്റെ വമ്പന്‍ അപഡേറ്റ് പുറത്തുവിട്ടിരിക്കുകയാണ് ബ്ലെസിയും പൃഥ്വിരാജും. ആരാധകലോകം ഒന്നടങ്കം ആവേശത്തിലുമാണ്. ആടുജീവിതത്തിന്റെ ഔദ്യോഗിക റിലീസ് തീയതി ഈ മാസം മുപ്പതിന് പ്രഖ്യാപിക്കുമെന്നാണ് ആ വമ്പന്‍ അറിയിപ്പ്.
മുപ്പതിന് വൈകീട്ട് നാലുമണിക്ക് റിലീസ് ഡേറ്റ് പ്രഖ്യാപിക്കുമെന്നാണ് വീഡിയോയിലൂടെ അറിയിച്ചത്. പ്രതീക്ഷയെ പുനര്‍നിര്‍വചിക്കുന്നു എന്നാണ് റിലീസ് തീയതി പ്രഖ്യാപനത്തേക്കുറിച്ചുള്ള വീഡിയോയില്‍ കുറിച്ചിരിക്കുന്നത്.
ബെന്യാമിന്റെ വിഖ്യാത നോവല്‍ ആടുജീവിതമാണ് ബ്ലെസി വെള്ളിത്തിരയിലേക്ക് എ എത്തിക്കുന്നത്. ചിത്രീകരണം പൂര്‍ത്തിയായെങ്കിലും സിനിമ എന്ന് തിയേറ്ററുകളിലെത്തുമെന്ന് വ്യക്തമായിരുന്നില്ല. എന്നാല്‍ ആ കാത്തിരിപ്പിനാണ് ഇപ്പോള്‍ അവസാനമാകുന്നത്.
സൗദി അറേബ്യയിലെ ഇന്ത്യന്‍ കുടിയേറ്റ തൊഴിലാളിയായ നജീബ് ആയിട്ടാണ് പൃഥ്വി എത്തുന്നത്. ചിത്രത്തിനായുള്ള പൃഥ്വിയുടെ രൂപമാറ്റം ഏറെ ഞെട്ടിക്കുന്നതാണ്. പാന്‍ ഇന്ത്യന്‍ ചിത്രമായാണ് ആടുജീവിതം എത്തുന്നത
