ഇളയരാജയുടെ മകളും പിന്നണിഗായികയും സംഗീത സംവിധായകയുമായ ഭവതരിണി (47) അന്തരിച്ചു. അര്ബുദരോഗബാധയെ തുടര്ന്ന് ചികിത്സയിലിരിക്കെയാണ് അന്ത്യം. ശ്രീലങ്കയില് ചികിത്സയിലായിരുന്നു. വൈകിട്ട് 5 മണിയോടെ ശ്രീലങ്കയിലെ സ്വകാര്യ ആശുപത്രിയിലായിരുന്നു മരണം. ഭൗതികശരീരം നാളെ ചെന്നൈയില് എത്തിക്കും.
1976 ചെന്നൈയിലാണ് ഭവതരിണിയുടെ ജനനം. ബാല്യം മുതല് തന്നെ ശാസ്ത്രീയസംഗീതത്തില് പ്രാവീണ്യം നേടിയിരുന്നു. 1984 ല് പുറത്തിറങ്ങിയ മൈഡിയര് കുട്ടിച്ചാത്തനിലെ ‘തിത്തിത്തേ താളം’ എന്ന ഗാനം ആലപിച്ചാണ് ഭവതരിണി സിനിമാലോകത്ത് അരങ്ങേറ്റം കുറിച്ചത്.
2000ലിറങ്ങിയ ‘ഭാരതി’ എന്ന ചിത്രത്തിലെ ഇളയരാജയുടെ സംഗീതത്തില് പാടിയ ‘മയില് പോലെ പൊണ്ണ് ഒന്ന്’ എന്ന ഗാനത്തിന് മികച്ച ഗായികയ്ക്കുള്ള ദേശീയ പുരസ്കാരം നേടി. കാര്ത്തിക് രാജ, യുവന് ശങ്കര് രാജ എന്നിവര് സഹോദരന്മാരാണ്.
2002ല് രേവതി സംവിധാനം ചെയ്ത ‘മിത്ര്, മൈ ഫ്രണ്ട്’ എന്ന ചിത്രത്തിന് സംഗീത സംവിധാനം നിര്വഹിച്ചു. തുടര്ന്ന് അലക്സാണ്ടര്, തേടിനേന് വന്തത്, കാതലുക്ക് മര്യാദൈ, ഫ്രണ്ട്സ് (തമിഴ്), പാ, താരരൈ ഭരണി, ഗോവ, അനേകന് തുടങ്ങിയ സിനിമകളില് പാടിയിട്ടുണ്ട്. മലയാളചിത്രം ‘മായാനദി’ ആയിരുന്നു അവസാന ചിത്രം