മത്സരം അതിന്റെ അവസാന ലാപ്പില്‍ എത്തിനില്‍ക്കെ ബിഗ്ഗ് ബോസ്സ് വീട് കൂടുതല്‍ കലുഷിതമാവുകയാണ്. ചെറിയ കാര്യങ്ങള്‍ക്ക് വരെ വലിയ പൊട്ടിത്തെറികള്‍ വീട്ടില്‍ മത്സരാര്‍ത്ഥികള്‍ തമ്മില്‍ നടക്കുന്നു എന്നത് തന്നെയാണ് ഇതിന്റെ തെളിവ്. ഒരുപാട് മാനസിക പിരിമുറുക്കങ്ങള്‍ ഉണ്ടെങ്കിലും എല്ലാവരും വിജയ കിരീടം അണിയുക എന്നൊരു ലക്ഷ്യത്തിലേക്കാണ് ശ്രദ്ധ കേന്ദ്രീകരിക്കുന്നത്. അവതാകരകന്‍ മോഹന്‍ലാല്‍ പറഞ്ഞത് പോലെ ഇനി ചെറിയ കാര്യങ്ങള്‍ക്ക് പോലും വലിയ പ്രശ്‌നങ്ങള്‍ വീട്ടില്‍ ഉടലെടുത്തേക്കാം..,
ഇപ്പോഴിതാ അദ്ദേഹം പറഞ്ഞത് പോലെ തന്നെ സംഭവിച്ചിരിക്കുകയാണ്. കഴിഞ്ഞ ദിവസം വീട്ടില്‍ കാപ്പി പൊടിയ്ക്ക് വേണ്ടിയാണ് വലിയ ബഹളം ഉണ്ടായത്. ഷോയില്‍ നിന്ന് വാക്ക് ഔട്ട് നടത്തി പോയ ജാസ്മിന് എന്ന മത്സരാര്‍ത്ഥിയുടെ കോഫി പൗഡറിനെ ചൊല്ലിയായിരുന്നു തര്‍ക്കം. പിറന്നാള്‍ദിനത്തില്‍ ബിഗ്ഗ് ബോസ്സ് ജാസ്മിന് സമ്മാനമായി നല്‍കിയതാണ് ഈ കോഫി പൗഡര്‍. അത് ദില്‍ഷയും ബ്ലസ്‌ലിയും ലക്ഷ്മി പ്രിയയും കുടിയ്ക്കരുത് എന്ന് പറഞ്ഞാണ് റിയാസ് പ്രശ്‌നങ്ങള്‍ക്ക് തുടക്കം കുറിച്ചത്. എന്നാല്‍ ഈ സംസാരം വലിയ വാക്ക് തര്‍ക്കങ്ങളിലേക്ക് പോയി.
ദില്‍ഷയടക്കമുള്ളവര്‍ ജാസ്മിനെ ദ്രോഹിച്ചു എന്നും അതില്‍ എല്ലാം വിഷമിച്ചാണ് ജാസ്മിന് ഇവിടെ നിന്ന് ഇറങ്ങി പോയത് എന്നും എന്നിട്ടും അവകുടെ സാധനം എടുത്ത് ഉപയോഗിക്കാന്‍ നാണമില്ലേ.. എന്നുമാണ് ദില്‍ഷയോടും ബ്ലസ്സ്‌ലിയോടും റിയാസ് ചോദിച്ചത്. ഇതിന് വളരെ ശക്തമായ രീതിയിലാണ് ദില്‍ഷയും പ്രതികരിച്ചത്.
താന്‍ എന്ത് ദ്രോഹമാണ് ജാസ്മിനോട് ചെയ്തത് എന്നും തങ്ങള്‍ക്ക് കോഫി തരാറുള്ള ആളായിരുന്നു ജാസ്മിന് എന്നും ദില്‍ഷ റിയാസിന് മറുപടി കൊടുത്തു. റോബിന്‍ രാധാകൃഷ്ണന്റെ കപ്പ് എറിഞ്ഞ് ഉടയ്ക്കാന്‍ റിയാസിന് എന്ത് അവകാശമാണ് ഉണ്ടായിരുന്നത് എന്നും ദില്‍ഷ ചോദിച്ചു.
അതി തനിക്ക് തോന്നിയതുകൊണ്ടെന്നാണ് റിയാസ് മറുപടി പറഞ്ഞത്. വലിയ തര്‍ക്കത്തിന് ഒടുവില്‍ ഹാസിലെ നിലവിലെ ക്യാപറ്റനായ ധന്യയാണ് ജാസ്മിന്റെ കോഫി പൗഡര്‍ ആരും എടുക്കരുതെന്ന് പറയാന്‍ റിയാസിന് അവകാശമില്ലെന്ന് തീര്‍ത്ത് പറഞ്ഞത്. ഇതിന് ശേഷം കോഫി പൗഡര്‍ ധന്യ എടുത്ത് മാറ്റുകയും എല്ലാവര്‍ക്കും ഒരുപോലെ നല്‍കും എന്നും പറയുകയും ചെയ്തു. എന്നാല്‍ താന്‍ ഇവിടെ നിന്ന് പോയാലും കോഫി പൗഡര്‍ ആര്‍ക്കും കൊടുക്കരുത് എന്ന് ജാസ്മിന് തന്നോട് പറഞ്ഞിരുന്നുവെന്ന് റിയാസ് വ്യക്തമാക്കുന്നുണ്ട്.
