സൂപ്പർ ഹിറ്റ് സിനിമയായ ആർആർആറിന് ശേഷം ചലച്ചിത്ര സംവിധായകൻ എസ് എസ് രാജമൗലി തന്റെ സ്വപ്ന പദ്ധതിയെക്കുറിച്ച് വെളിപ്പെടുത്തിയിരിക്കുന്നു. അടുത്തിടെ ഒരു അഭിമുഖത്തിലാണ് തന്റെ കരിയറിലെ സ്വപ്ന സിനിമയെക്കുറിച്ചുള്ള സംവിധായകൻ വെളിപ്പെടുത്തൽ നടത്തിയത്.
തന്റെ ഏറ്റവം വലിയ ആഗ്രഹം ഇന്ത്യൻ ഇതിഹാസമായ മഹാഭാരതത്തെ ആസ്പദമാക്കി ഒരു ചലച്ചിത്ര പരമ്പര തന്നെ നിർമ്മിക്കുക എന്നാണെന്ന് രാജമൗലി വെളിപ്പെടുത്തി. അത് 10 ഭാഗങ്ങളുള്ള സിനിമയായിരിക്കും ഇതെന്നും അദ്ദേഹം പറഞ്ഞു’ഞാൻ മഹാഭാരതം സിനിമയാക്കുന്ന ഒരു ഘട്ടത്തിലേയ്ക്ക് എത്തുകയാണെങ്കിൽ രാജ്യത്ത് ലഭ്യമായ മഹാഭാരതത്തിന്റെ പതിപ്പുകൾ വായിക്കാൻ മാത്രം എനിക്ക് ഒരു വർഷമെടുക്കും. നിലവിൽ ഇത് 10 ഭാഗങ്ങളുള്ള ഒരു സിനിമയായിരിക്കുമെന്ന് മാത്രമേ എനിക്ക് പറയാൻ കഴിയൂ,” എന്ന് രാജമൗലി പറഞ്ഞതായി ഇന്ത്യൻ എക്‌സ്പ്രസ്സ് റിപ്പോർട്ട് ചെയ്യുന്നു.
അതേസമയം തന്റെ അടുത്ത ബിഗ് ബജറ്റ് ചിത്രത്തിനായി എസ് എസ് രാജമൗലിയും മഹേഷ് ബാബുവും ഒരുങ്ങുന്നതായി അടുത്തിടെ ഒരു റിപ്പോർട്ട് പുറത്ത് വന്നിരുന്നു.് ചിത്രം സ്‌ക്രിപ്റ്റിംഗ് ഘട്ടത്തിലാണ്, ഈ വർഷം അവസാനത്തോടെ ചിത്രീകരണം ആരംഭിക്കുമെന്നാണ് പ്രതീക്ഷിക്കുന്നത് .രാമായണത്തിൽ നിന്ന് പ്രചോദനം ഉൾക്കൊണ്ട് ആയിരിക്കും ഈ ചിത്രം ഒരുങ്ങുക എന്നാണ് റിപ്പോർട്ട്. എന്നാൽ പുതിയ സിനിമ സംബന്ധിച്ച് ഔദ്യോഗിക സ്ഥിരീകരണമൊന്നും വന്നിട്ടില്ല.
