യുവതാരം ധ്രുവ് വിക്രമിന്റെ നായികയായി നടി അനുപമ പരമേശ്വരന്‍. ധ്രുവ് വിക്രമിനെ നായകനാക്കി മാരി സെല്‍വരാജ് ഒരുക്കുന്ന ചിത്രത്തിലാണ് അനുപമയും ധ്രുവും ഒന്നിക്കുന്നത്. എന്റെ അഞ്ചാമത്തെ ചിത്രം ഒരു പൊട്ടിത്തെറിയോടെ ആരംഭിക്കുന്നു, പാ രഞ്ജിത്ത് അണ്ണയും നീലം സ്റ്റുഡിയോസും അപ്പ്ളോസ് സോഷ്യലും എന്റെ നല്ല സുഹൃത്തായ അദിതി ആനന്ദ് എന്നിവരോടൊപ്പം പ്രവര്‍ത്തിക്കാന്‍ കഴിഞ്ഞതില്‍ അതിയായ സന്തോഷമുണ്ടെന്നാണ് മാരി സെല്‍വരാജ് പങ്കുവച്ചത്.
പ്രൊഡക്ഷന്‍ ഹൗസ് അപ്പ്ളോസ് സോഷ്യല്‍ കുറിച്ചത് ഇപ്രകാരം, ‘ചില പങ്കാളിത്തങ്ങള്‍ ഗെയിമിനെ പുനര്‍നിര്‍വചിക്കുന്നു, ഇത് അതിലൊന്നാണ്’. മാരി സെല്‍വരാജിന്റെ ഇതിഹാസ സ്‌പോര്‍ട്‌സ് നാടകത്തിനായി നീലം സ്റ്റുഡിയോസും ചേര്‍ന്നു ചിത്രത്തിനായി വലിയ പരിശീലനത്തിന് വിധേയമായിരുന്നു.
ചിത്രത്തിന്റെ ആദ്യ ഷെഡ്യൂള്‍ തൂത്തുക്കുടിയിലാണ് ചിത്രീകരിക്കുന്നത്. തമിഴ്‌നാട്ടിലെ ഉള്‍നാടന്‍ ഗ്രാമങ്ങളില്‍ നിന്ന് ഒടുവില്‍ രാജ്യത്തിന്റെ പരമോന്നത കായിക ബഹുമതി നേടിയ ഒരു കായികതാരത്തിന്റെ യഥാര്‍ത്ഥ ജീവിത കഥയാണ് ചിത്രം പ്രേക്ഷകരിലേക്ക് എത്തിക്കുന്നത്.
സംവിധായകന്‍ പാ രഞ്ജിത്തിന്റെ നീലം പ്രൊഡക്ഷന്‍സ് നിര്‍മ്മിക്കുന്ന ഈ ചിത്രം ‘ആദിത്യ വര്‍മ്മ’, ‘മഹാന്‍’ എന്നീ ചിത്രങ്ങള്‍ക്ക് ശേഷമാവും എത്തുക. ധ്രുവ് വിക്രമിന്റെ കരിയറിലെ മൂന്നാമത്തെ ചിത്രമായിരിക്കും. 2024 മാര്‍ച്ച് 15-ന് ചിത്രത്തിന്റെ ചിത്രീകരണം ആരംഭിക്കുന്നത്.
