താരങ്ങളുടെ സംഘടനയായ അമ്മയിൽ ഈ കുറി വലിയ മാറ്റങ്ങൾക്ക് ആണ് സാധ്യത, ഒരുപാട് നാളുകൾ കൊണ്ട് വിവിധ പദവികളിൽ സംഘടനയെ നയിച്ച ഇടവേള ബാബു ഇനി ഭാരവാഹിയാകാനില്ലെന്ന നിലപാടിലാണ്. നിലവിൽ ജനറൽ സെക്രട്ടറിയായ ബാബു മാറുന്നതോടെ പ്രസിഡന്റ്സ്ഥാനവും മോഹൻലാലും ഒഴിയുമെന്നാണ് പറയുന്നത്, ജൂൺ 30-ന് കൊച്ചി ഗോകുലം കൺവെൻഷൻ സെന്ററിലാണ് അമ്മയുടെ തിരഞ്ഞെടുപ്പ് പൊതുയോഗം.
25 വർഷത്തിനു ശേഷം ഇടവേള ബാബു സ്വയം ഒഴിയുന്നുവെന്നതാണ് ഇത്തവണത്തെ തിരഞ്ഞെടുപ്പിനെ ശ്രദ്ധേയമാക്കുന്നത്. ഇനി നേതൃസ്ഥാനത്തുണ്ടാകില്ലെന്ന കാര്യം ഇടവേള ബാബു തന്നെ പറയുന്നു, ഒരു മാറ്റം അനിവാര്യമാണ്. ഞാൻ ആയിട്ട് മാറിയാലേ അത് നടക്കൂ. പുതിയ ആൾക്കാർ ഇനിയും വരട്ടെ എന്നാണ് ഇടവേള ബാബു പറയുന്നത്, 506 അംഗങ്ങൾക്കാണ് വോട്ടവകാശമുള്ളത്. ജൂൺ മൂന്നുമുതൽ പത്രികകൾ സ്വീകരിക്കും എന്നാണ് സംഘടന അറിയിക്കുന്നത്
