ഒട്ടനവധി കൊമേഴ്സ്യൽ സിനിമകളിൽ അഭിനയിച്ചിട്ടുണ്ടെങ്കിലും നടി സംവൃത ഒരിക്കൽ പോലും മാന്യമല്ലാത്ത വേഷത്തിലോ ഗ്ലാമറസ് റോളുകളിലോ നടി പ്രത്യക്ഷപ്പെട്ടിട്ടില്ല. അതിന് കാരണം നടിയുടെ ഉറച്ച തീരുമാനമാണ്. വർഷങ്ങൾക്ക് മുമ്പ് ഒരു പ്രമുഖ മാധ്യമത്തിൽ ഒരു ഓണക്കാലത്ത് നൽകിയ അഭിമുഖത്തിൽ ഗ്ലാമർ വേഷങ്ങൾ ചെയ്യാത്തതിന് പിന്നിലെ കാരണം നടി വെളിപ്പെടുത്തുകയും ചെയ്തിരുന്നു.
ഇപ്പോഴിതാ നടിയുടെ ആ പഴയ അഭിമുഖമാണ് വീണ്ടും സോഷ്യൽമീഡിയയിൽ പ്രചരിക്കുന്നത്. ഒരു കോടി രൂപ തന്നാലും ഗ്ലാമർ വേഷം ചെയ്യില്ലെന്ന് അങ്ങനൊരു നടിക്ക് നിർബന്ധം പിടിക്കാൻ പറ്റുമോ?. ചിലപ്പോഴെങ്കിലും കഥാപാത്രത്തിന് വേണ്ടിയെങ്കിലും ഗ്ലാമർ വേഷം ചെയ്യേണ്ടി വരില്ലേ..? എന്ന അവതാരകയുടെ ചോദ്യത്തോട് പ്രതികരിക്കുകയായിരുന്നു സംവൃത. ഒരിക്കലും എളുപ്പമുള്ള കാര്യമല്ല ഇങ്ങനൊരു തീരുമാനം എടുക്കുന്ന എന്നത്. ഇങ്ങനെ നമ്മൾ പറയുന്നതുകൊണ്ട് നമുക്ക് ഒരുപാട് അവസരങ്ങൾ നഷ്ടപ്പെട്ടേക്കുമെന്നും സാമ്യത പറയുന്നു.
‘ഒരുപാട് ഫെയിം നഷ്ടപ്പെടാം. മോണിറ്ററി ബെനിഫിറ്റ് നഷ്ടമാണ്. അങ്ങനെ ഒരുപാട് നഷ്ടമുണ്ട്. പക്ഷെ എന്നെ സംബന്ധിച്ചിടത്തോളം എനിക്ക് എല്ലാത്തിലുമുപരി എന്റെ മനസിന്റെ സന്തോഷവും സമാധാനവുമാണ് വലുത്. അതുകൊണ്ട് തന്നെ അത് നഷ്ടപ്പെടുത്തികൊണ്ട് ഒരു പബ്ലിസിറ്റിയോ ഫെയിമോ ഒരു സൂപ്പർ സ്റ്റാർ പദവിയോ തനിക്ക് വേണ്ടയെന്നും കുറേക്കാലം കഴിഞ്ഞ് ഞാൻ ചെയ്ത സിനിമകൾ ടിവിയിൽ വരുമ്പോൾ കുട്ടികൾ അയ്യേ എന്ന് പറയരുതെന്നു എനിക്ക് ആഗ്രഹമുണ്ട് എന്നും സംവൃത പറയുന്നു’.
‘തന്റെ ഫാമിലി മെമ്പേഴ്സും റിലേറ്റീവ്സും വളരെ അഭിമാനത്തോടെയാണ് എന്റെ സിനിമകളെ കുറിച്ച് പറയുന്നതും എന്റെ എന്തെങ്കിലും കാര്യം ടിവിയിൽ വരുമ്പോഴും അവർ അത്രയേറെ എക്സൈറ്റ്മെന്റോടെയാണ് കാണുന്നതും. അവർ എല്ലാവരും എനിക്ക് തരുന്ന ഒരു റെസ്പെക്ടുണ്ട്. അതുപോലെ ഈ ഇന്റസ്ട്രിയിൽ നിന്നും ഇതുവരെ ഒരു മോശം അനുഭവം എനിക്ക് ഉണ്ടായിട്ടില്ല. അതെല്ലാം എനിക്ക് കിട്ടാൻ കാരണമായി തോന്നിയിട്ടുള്ളത് ഞാൻ ചെയ്തിട്ടുള്ള സിനിമകളും കഥാപാത്രങ്ങളുമാണ്. അത് നഷ്ടപ്പെടുത്താൻ എനിക്ക് താൽപര്യമില്ലെന്നാണ് സംവൃത അന്ന് പറഞ്ഞത്.
ഒരു സിനിമയുടെ കഥ കേട്ട് കഴിഞ്ഞാൽ അതിന്റെ ഫൈനൽ ഡിസിഷൻ തന്റേത് തന്നെ ആയിരിക്കുമെന്നും ഒരു സിനിമ വേണോ വേണ്ടയോ എന്ന് തീരുമാനിക്കുന്നത് തൻ തന്നെയാണ് എന്നും ചില അവസരങ്ങളിൽ കൺഫ്യൂഷൻ വരുന്ന സാഹചര്യത്തിൽ തന്നെ സിനിമയിലേക്ക് കൊണ്ടുവന്ന ആൾ എന്ന രീതിയിൽ സംവിധയകാൻ ലാൽ ജോസിനോട് വിളിച്ച് ചോദിക്കാറുണ്ട്, സിനിമയിൽ പരിചയമുള്ള വിശ്വസിക്കാവുന്ന കുറച്ചു പേരോട് സജഷൻസ് വിളിച്ച് ചോദിക്കാറുണ്ട് എന്നും എന്നാലും അവസാന തീരുമാനം തന്റേത് തന്നെയാണെന്നും സംവൃത പറയുന്നു. തമിഴിലൊക്കെ അവസരങ്ങൾ വന്നിരുന്നുവെങ്കിലും തനിക്ക് ചെയ്യണം എന്ന് തോന്നുന്ന സിനിമകൾ വന്നിട്ടില്ലായെന്നും താരം അഭിമുഖത്തിൽ പറയുന്നുണ്ട് .
അതേസമയം വിവാഹ ശേഷം നടി സംവൃത ഭർത്താവിനും മക്കൾക്കുമൊപ്പം കഴിഞ്ഞ കുറേ വർഷങ്ങളായി അമേരിക്കയിലാണ് താമസം. വിവാഹശേഷം 2019ൽ ‘സത്യം പറഞ്ഞാൽ വിശ്വസിക്കുമോ’ എന്ന ഒറ്റ ചിത്രത്തിൽ മാത്രമെ താരം അഭിനയിച്ചിട്ടുള്ളു. കൂടാതെ മഴവിൽ മനോരമയിലെ ‘നായികാ നായകൻ’ എന്ന റിയാലിറ്റി ഷോയിൽ മെന്ററായും കുറച്ച് കാലം സംവൃതയുണ്ടായിരുന്നു.
കോഴിക്കോട്ടുകാരനായ അഖിൽ ജയരാജാണ് സംവൃതയെ വിവാഹം കഴിച്ചത്. ഇരുവർക്കും ഇപ്പോൾ രണ്ട് ആൺകുഞ്ഞുങ്ങളുണ്ട്. എട്ട് വർഷത്തെ സിനിമാ ജീവിതത്തിനിടെ മലയാളത്തിൽ മാത്രമല്ല തെലുങ്കിലും തമിഴിലുമെല്ലാം സംവൃത അഭിനയിച്ചിട്ടുണ്ട്. അമേരിക്കയിൽ സെറ്റിൽഡായ താരം സോഷ്യൽമീഡിയയിൽ വളരെ സജീവമാണ്. അതുകൊണ്ട് തന്നെ സംവൃതയെ സ്നേഹിക്കുന്നവർക്ക് താരത്തിന്റെ വിശേഷങ്ങളും സോഷ്യൽമീഡിയ വഴി അറിയാൻ സാധിക്കുന്നുണ്ട്. വളരെ അപൂർവ്വമായി വെക്കേഷൻ സമയത്ത് മാത്രമാണ് സംവൃത നാട്ടിൽ എത്താറുള്ളത്. അടുത്തിടെ സംവൃത നാട്ടിലെത്തിയത് പ്രിയ കൂട്ടുകാരിയായ മീര നന്ദന്റെ വിവാഹം കൂടാൻ വേണ്ടിയായിരുന്നു.
അതേസമയം ഒരു കാലത്ത് മലയാള സിനിമയിൽ തിരക്കുള്ള നായികയായിരുന്നു സംവൃത. 2004ൽ ലാൽ ജോസ് സംവിധാനം ചെയ്ത ‘രസികൻ’ എന്ന ദിലീപ് ചിത്രത്തിലൂടെ അഭിനയത്തിൽ അരങ്ങേറ്റം കുറിച്ച സംവൃത വിവാഹശേഷം സിനിമക്ക് ഇടവേള കൊടുത്ത് കുടുംബ ജീവിതവുമായി മുന്നോട്ട് പോവുകയാണ്. സംവൃതയുടെ കരിയറിലെ തന്നെ ഏറ്റവും മികച്ച സിനിമകളിലൊന്നാണ് അയാളും ഞാനും തമ്മിൽ. കൂടാതെ പൃഥ്വിരാജ് – സംവൃത ഓൺസ്ക്രീൻ കോംബോ പ്രേക്ഷകർ സ്വീകരിച്ച ഒന്നായിരുന്നു . മുപ്പത്തിയേഴുകാരിയായ താരം കുറഞ്ഞ കാലയളവിനുള്ളിൽ അമ്പതിന് അടുത്ത് സിനിമകളിൽ അഭിനയിച്ചു.
