പൃഥ്വിരാജും ബേസില് ജോസഫും പ്രധാന കഥാപാത്രങ്ങളായെത്തുന്ന പുതിയ ചിത്രമാണ് ‘ഗുരുവായൂരമ്പല നടയില്’. ചിത്രത്തിന്റെ ഫസ്റ്റ്ലുക്ക് പോസ്റ്റര് പുറത്തുവിട്ടിരിക്കുകയാണ് അണിയറപ്രവര്ത്തകര്. പൃഥ്വിരാജും ബേസിലും നിഖില വിമലും പോസ്റ്റര് പങ്കുവച്ചിട്ടുണ്ട്.
ഒരു വിവാഹ ചിത്രമാണ് ഫസ്റ്റ് ലുക്ക് പോസ്റ്ററായി എത്തിയിരിക്കുന്നത്. വരുന്ന മീനത്തിലാണ് കല്യാണം എന്നാണ് പോസ്റ്ററിലുള്ളത്. വധുവായി അനശ്വര രാജന് അണിഞ്ഞൊരുങ്ങി നില്ക്കുന്നുണ്ട്. വരന്റെ വേഷത്തില് ബേസിലും.
സൂപ്പര് ഹിറ്റ് ചിത്രം ജയ ജയ ജയ ജയ ഹേയ്ക്ക് ശേഷം വിപിന് ദാസ് സംവിധാനം ചെയ്യുന്ന ചിത്രമാണ് ‘ഗുരുവായൂരമ്പല നടയില്’. നിഖില വിമലും അനശ്വര രാജനുമാണ് ചിത്രത്തിലെ നായികമാരാകുന്നത്. തമിഴ് താരം യോഗി ബാബുവും ചിത്രത്തില് പ്രധാന വേഷം ചെയ്യുന്നുണ്ട്. കോമഡി പശ്ചാത്തലത്തിലുള്ള ചിത്രമായിരിക്കുമെന്നാണ് സൂചനകള്.
കുഞ്ഞിരാമായണം എന്ന ചിത്രത്തിന് ശേഷം ദീപു പ്രദീപ തിരക്കഥയെഴുതുന്ന ചിത്രമണ് ഗുരുവായൂരമ്പല നടയില്. പൃഥ്വിരാജ് പ്രൊഡക്ഷന്സും ഇ ഫോര് എന്റര്ടെയ്ന്മെന്റ്സും ചേര്ന്നാണ് ചിത്രത്തിന്റെ നിര്മാണം. നീരജ് രവിയാണ് ഛായാഗ്രഹണം നിര്വഹിക്കുന്നത്. അങ്കിത് മേനോന് ആണ്.സംഗീത സംവിധാനം ഒരുക്കുന്നത്. ജഗദീഷ്, ബൈജു, ഇര്ഷാദ്, സിജു സണ്ണി, രേഖ, മനോജ് കെ.യു തുടങ്ങിയവരും ചിത്രത്തില് അണിനിരക്കുന്നുണ്ട്. ഏപ്രിലിലാണ് ചിത്രം തിയ്യേറ്ററിലെത്തുന്നത്.