മലയാളത്തിലെ യുവതാരനിരയിൽ ശ്രദ്ധേയനായ നടൻ ആണ് മാത്യു തോമസ് . ‘കുമ്പളങ്ങി നൈറ്റ്സ്’ എന്ന ചിത്രത്തിലൂടെ മലയാളികളുടെ മനസിൽ ഇടംനേടിയ മാത്യുവിന്റേതായി ഒട്ടനവധി സിനിമകളാണ് പിന്നീട് പുറത്തിറങ്ങിയത്. . ഒടുവിലാതാ ‘ലിയോയും’ . ലിയോ പുറത്തിറങ്ങുന്നതിന് മുൻപ് തന്റെ കഥാപത്രത്തെ പ്പറ്റി യാതൊരു സൂചനയും തന്നിരുന്നില്ല നടൻ . ‘ലിയോ’യിൽ വിജയ്‌യുടെ മകനായാണ് മാത്യു എത്തുന്നത്.ലിയോയുടെ ഷോട്ടിന് ശേഷമുള്ള മറ്റു സിനിമകളുടെ പ്രൊമോഷൻ അഭിമുഖങ്ങളിൽ മാത്യൂപറഞ്ഞത് ഓഡിഷന്‍ ഒന്നും ഉണ്ടായിരുന്നില്ല ചിത്രത്തിലേക്ക്, തന്റെ ഫോട്ടോകൾ കണ്ട ശേഷമാണ് ലിയോയിലേക്ക് തന്നെ നേരിട്ട് വിളിച്ചത് .ആദ്യം ഇതൊരു തമാശ ആയിരിക്കുമോ എന്നായിരുന്നു ചിന്ത എന്നാൽ അത് വെറുതെ പറഞ്ഞതല്ല എന്ന തരത്തിലുള്ള ഒരു ഫോട്ടോയാണ് സോഷ്യൽ മീഡിയയിൽ ഇപ്പോൾ വൈറലായിക്കൊണ്ടിരിക്കുന്നത്. ചിത്രത്തില്‍ ദളപതി വിജയിയുടെ ചെറുപ്പകാലത്തെ ചിത്രവും, ലിയോ സിനിമയില്‍ വിജയിയുടെ മകനായി എത്തിയ മലയാളി താരം മാത്യുവിന്‍റെയും ചിത്രമാണ് ഉള്ളത്. രണ്ട് ഫോട്ടോയും തമ്മിലുള്ള സാമ്യമാണ് സോഷ്യല്‍ മീഡിയയെ അത്ഭുതപ്പെടുത്തുന്നത്. ലോകേഷ് ചിത്രത്തിലെ പെര്‍ഫെക്ട് കാസ്റ്റിംഗ് എന്നാണ് ഈ ചിത്രം കണ്ടതില്‍ പല ആരാധകരും പറയുന്നത്.
വെറുതെയല്ല മാത്യുവിനെ ലിയോയില്‍ വിളിച്ചത് എന്നാണ് പലരും പറയുന്നത്. മാത്യു തോമസിന്റെ തന്നെ തണ്ണീർമത്തൻ ദിനങ്ങളിൽ മാത്യുവിന്റെ ജെയ്സൻ എന്ന കഥാപാത്രത്തോട് കൂട്ടുകാരൻ പറയുന്ന ഒരു ഡയലോഗുണ്ട്. സൈഡിൽ നിന്ന് നോക്കിയാൽ ചെറിയൊരു വിജയ് കട്ട് ഉണ്ട്ന്ന് . സിനിമയിലെ ഡയലോഗായിരുന്നെങ്കിലും കൂട്ടുകാരൻ പറഞ്ഞതു പോലെ ആ ചെറിയ മുഖഛായ വച്ച് തന്നെ സാക്ഷാൽ വിജയ്‌ക്കൊപ്പം മാത്യു അഭിനയിച്ചു. അച്ഛനായി സൂപ്പർ താരം വേഷമിടുമ്പോൾ മാത്യുവിന് ഇനിയെന്ത് ’മുഖചായ” എന്നാണ് ആരാധകർ ചോദിക്കുന്നത് . നേരത്തെ ലിയോ ഷൂട്ടിന് ശേഷം പല പടങ്ങളുടെയും പ്രമോഷനുമായി ബന്ധപ്പെട്ട് മാധ്യമങ്ങള്‍ക്ക് മുന്നില്‍ മാത്യു എത്തിയിരുന്നെങ്കിലും ഒരിക്കല്‍ പോലും ലിയോ സംബന്ധിച്ച കാര്യങ്ങള്‍ മാത്യു വെളിപ്പെടുത്തിയിരുന്നില്ല. വിജയ്‌യുടെ കുട്ടിക്കാലം ചെയ്യുകയാണെന്നും സഹോദര വേഷമാണെന്നുമൊക്കെയുള്ള വാർത്തകൾ വന്നിരുന്നു .പിന്നീട് സൈക്കോ വില്ലന്റെ കുട്ടിക്കാല൦, ആണെന്നും പ്രചാരണമുണ്ടായി. എല്ലാം കേട്ട് മാത്യു ചിരിച്ചു. എല്ലാവരേയും ഞെട്ടിച്ച് മാത്യുവിന്റെ കഥാപാത്രം ലിയോയിൽ പ്രേക്ഷകരെ കൈയിലെടുക്കുന്നുണ്ട്. തമിഴ് സിനിമയിലേക്കുള്ള അരങ്ങേറ്റത്തിലൂടെ അവിടെയും മനോഹര യാത്ര തുടങ്ങി. മുൻനിര സംവിധായകൻ ലോകേഷ് കനകരാജിന്റെ ചിത്രത്തിലൂടെ മാത്യു തമിഴ് അരങ്ങേറ്റം നടത്തി എന്നതാണ്ഏറ്റവും വലിയ സവിശേഷത
ഇനിയും തമിഴിൽ സജീവമാകാൻ ഒരുങ്ങുകയാണ് മാത്യു തോമസ് എന്നും പറയുന്നുണ്ട് . ഇനിയും താരത്തിന്റെ ’കപ്പ്’ ആണ് മലയാളത്തിൽ റിലീസിന് ഒരുങ്ങുന്ന ചിത്രം. ഇന്ത്യക്കുവേണ്ടി കളിക്കാൻ ആഗ്രഹിക്കുന്ന കണ്ണൻ എന്ന ബാഡ്മിന്റൻ താരമായാണ് മാത്യു എത്തുന്നത് ,ചിത്രത്തിൽ റിയ ഷിബു ആണ് നായിക. പുതുമുഖം സഞ്ജു സാമുവൽ ആണ് ചിത്രം സംവിധാനം ചെയ്യുന്നത്. പുതുവർഷത്തിൽ മാത്യുവിന്റെ ആദ്യ റിലീസാണ് ’ലൗലി’ . അതേ സമയം വിജയ് ചിത്രം ലിയോ കളക്ഷന്‍ റെക്കോഡുകള്‍ തിരുത്തി മുന്നേറുകയാണ്വിജയ് ലോകേഷ് ഒന്നിച്ച രണ്ടാമത്തെ ചിത്രം എന്നത് ചിത്രത്തിന്‍റെ കളക്ഷനെ ഏറെ സഹായിച്ചിട്ടുണ്ട്. ലിയോയ്ക്ക് കേരളത്തിലും മികച്ച സ്വീകരണമാണ് ലഭിക്കുന്നത്. പ്രീ-സെയിൽ ബിസിനസിലൂടെ തന്നെ മികച്ച കളക്ഷൻ നേടിയ ചിത്രം ഇതിനോടകം 500 കോടിയിലേറെ നേടി കഴിഞ്ഞു.
