അന്ന് ആ മുറിയിൽ എന്താണ് നടക്കുന്നത് എന്നറിയാൻ വേണ്ടി നോക്കിയതാണ്, പക്ഷെ കതക് തുറന്നതും കാര്യങ്ങൾ കൈവിട്ട് പോയി

മലയാളത്തിന്റെ സ്വന്തം ലേഡി സൂപ്പർസ്റ്റാർ എന്ന പദവി നേടിയിരിക്കുകയാണ് മഞ്ജു, പന്ത്രണ്ട് വർഷത്തെ ഇടവേളക്ക് ശേഷം മഞ്ജു അഭിനയത്തിലേക്ക് തിരിച്ചെത്തിയത് ഒരു മികച്ച നടിയായിട്ടാണ്. താരത്തിനെ തേടി നിരവധി അവസരങ്ങൾ ആണിപ്പോൾ വന്നു കൊണ്ടിരിക്കുന്നത്.  ഇപ്പോൾ ചർച്ച ആകുന്നത് മഞ്ജുവിന്റെ ചില വെളിപ്പെടുത്തലുകൾ ആണ്. കുട്ടികാലത്ത് തന്റെ നെറ്റിയിൽ ഉണ്ടായ ഒരു മുറിവിനെ കുറിച്ചാണ് മഞ്ജു ഇപ്പോൾ പറഞ്ഞിരിക്കുന്നത്. എത്ര മേക്കപ്പിട്ടാലും തെളിഞ്ഞ് കാണുന്ന ആ മുറിവ് തന്റെ നെറ്റിയിൽ എങ്ങനെ ഉണ്ടായി എന്നാണ് മഞ്ജു പറയുന്നത്.

മഞ്ജുവിന്റെ വാക്കുകൾ ഇങ്ങനെ
‘എല്‍കെജിയിലോ യുകെജിയിലോ പഠിക്കുന്ന സമയമാണ്. ഞങ്ങളുടെ ക്ലാസമുറികള്‍ ഫുള്‍ ക്ലോസ്ഡ് ആണ്. എന്റെ ക്ലാസിനു മാത്രം രണ്ടു വാതിലുകള്‍ ഉണ്ടായിരുന്നു. ഒരു ദിവസം ഞാന്‍ നോക്കുമ്‌ബോള്‍ ഒരു തുള കാണുന്നു. അത് എന്താണെന്ന് അറിയണമല്ലോ എന്നു കരുതി വാതിലിനോട് ചേര്‍ത്ത് കണ്ണുവച്ചു നോക്കി. പിന്നെ എന്താ സംഭവിച്ചതെന്ന് ഒരു പിടിയുമില്ല. അപ്പുറത്തെ സൈഡില്‍ നിന്നും വാതില്‍ ആരോ തളളിത്തുറന്നു.

വാതില്‍ വന്നിടിച്ചത് എന്റെ നെറ്റിയില്‍. എന്റെ വെളള ഷര്‍ട്ടിലേക്ക് അതാ ചോര ഒഴുകുന്നു. ഉച്ച സമയമായത് കൊണ്ട് നന്നായി ചോര വരുന്നുണ്ട്. ടീച്ചര്‍മാരൊക്കെ ഓടി വരുന്നുണ്ട്. ആരോ അമ്മയെ വിളിച്ചു.അങ്ങനെ ആശുപത്രിയില്‍ കൊണ്ടുപോയി തുന്നിക്കെട്ടി.’ആ സംഭവത്തിന്റെ ഓര്‍മയാണ് എന്റെ മുഖത്തെ ഈ അടയാളം.