പ്രേക്ഷകർക്ക് ഏറെ പ്രിയപ്പെട്ട താര കുടുംബം ആണ് നടി മേനകയുടേത്. സിനിമയിൽ സജീവമായി നിന്നപ്പോൾ ആണ് മേനക സുരേഷ് കുമാറിനെ വിവാഹം കഴിക്കുന്നതും ശേഷം സിനിമയിൽ നിന്നും വിട്ട് നിൽക്കാൻ തുടങ്ങിയതും. രണ്ടു പെൺകുട്ടികൾ ആണ് ഇരുവർക്കും ഉള്ളത്. രേവതി സുരേഷും കീർത്തി സുരേഷും. ഇരുവരും സിനിമയിൽ അഭിനയിച്ചിട്ടുണ്ട്. രേവതി സുരേഷ് ബാലതാരമായി സിനിമയിൽ അഭിനയിച്ചിരുന്നുവെങ്കിലും ക്യാമറയ്ക്ക് പിന്നിൽ പ്രവർത്തിക്കാൻ ആയിരുന്നു രേവതി ആഗ്രഹിച്ചിരുന്നത്. അത് കൊണ്ട് തന്നെ സഹസംവിധാനത്തിൽ ശ്രദ്ധ കേന്ദ്രീകരിക്കുകയായിരുന്നു രേവതി. കീർത്തി ആകട്ടെ ഇപ്പോൾ തെന്നിന്ത്യയിൽ മുൻ നിരയിൽ ഉള്ള നായിക നടി ആണ്. മലയാളത്തിൽ കൂടി അരങ്ങേറ്റം കുറിച്ച് തമിഴിലും തെലുങ്കിലും എല്ലാം സജീവമായി നിൽക്കുകയാണ് കീർത്തി ഇപ്പോൾ. 
ഇപ്പോൾ ഒരു പ്രമുഖ മാധ്യമത്തിന് നൽകിയ അഭിമുഖത്തിൽ വണ്ണത്തിന്റെ പേരിൽ താൻ നേരിട്ടിരുന്ന പരിഹാസങ്ങളെ കുറിച്ചും വണ്ണം കുറയ്ക്കാൻ താൻ സ്വീകരിച്ച മാർഗങ്ങളെ കുറിച്ചും മനസ്സ് തുറക്കുകയാണ് രേവതി സുരേഷ്. രേവതിയുടെ വാക്കുകൾ ഇങ്ങനെ, കുട്ടികാലം മുതൽ വണ്ണത്തിന്റെ പേരിൽ നിരവധി പരിഹാസങ്ങളും വേറുകൃത്യങ്ങളും ഞാൻ നേരിട്ടിരുന്നു. ചെറിയ കാരങ്ങളി പോലും ആളുകൾ മാറ്റി നിർത്തുന്നത് ഞാൻ ശ്രദ്ധിച്ചിരുന്നു. .അതൊക്കെ എന്നെ ഒരുപാട് വേദനപ്പിച്ചു. വളർന്നു വന്നപ്പോഴും അത് തന്നെ ആയി അവസ്ഥ. സംവിധാനം ആയിരുന്നു എന്റെ ലക്‌ഷ്യം. അതിനു വേണ്ടി പല സിനിമകളിലും സഹ സംവിധായികയായി ജോലി ചെയ്തു. 
ഒരിക്കൽ ഒരു ലൊക്കേഷനിൽ വെച്ച് ഒരു സ്ത്രീ എന്റെ മുഖത്ത് നോക്കി ചോദിച്ചു അമ്മയും അനിയത്തിയും നല്ല സൗന്ദര്യമുളളവരാണല്ലോ, നീ എന്താ ഇങ്ങനെയായത് എന്ന്. ഞാൻ ഒട്ടും പ്രതീക്ഷിക്കാതിരുന്ന ഒരു ചോദ്യം ആയിരുന്നു അത്. അവർ അത് എന്റെ മുഖത്ത് നോക്കി ചോദിച്ചപ്പോൾ ഞാൻ അപമാനം കൊണ്ട് തകർന്നു പോയി. കൗമാരകാലത്തിൽ പോലും ഞാൻ ഇതിന്റെ പേരിൽ ഒരുപാട് ദുഖിച്ചിരുന്നു. അത് കൊണ്ട് തന്നെ ഞാൻ എന്റെ വസ്ത്രങ്ങളിലും ആഭരണങ്ങളിലും ഒന്നും ശ്രദ്ധിച്ചിരുന്നില്ല. എനിക്ക് വേണ്ടതെല്ലാം സെലക്ട് ചെയ്തു തരുന്നത് കീർത്തി ആയിരുന്നു. പിന്നീടാണ് വണ്ണം കുറയ്ക്കണം എന്ന ആഗ്രഹം എന്റെ മനസ്സിൽ വന്നത്. നൂറിൽ നിന്നും ഇപ്പോൾ എൺപത്തത്തി അഞ്ചിൽ എത്തി. അത് അറുപത്തി അഞ്ചിൽ എത്തിക്കണം എന്നാണ് ഇപ്പോഴത്തെ ആഗ്രഹം എന്നും രേവതി പറഞ്ഞു.
