പ്രേമത്തിലെ മലര്‍ മിസ്സായെത്തി തെന്നിന്ത്യയിലെ തന്നെ തിരക്കേറിയ നടിയായി മാറിയയാളാണ് സായ് പല്ലവി. മികച്ച നര്‍ത്തകി കൂടിയാണ് സായ്. സോഷ്യല്‍ മീജഡിയയിലും സജീവമാണ് സായ്. സായ് പല്ലവി പങ്കുവയ്ക്കുന്ന വിശേഷങ്ങളെല്ലാം വൈറലാകാറുണ്ട്.
ഇത്തവണ സാരിയിലുള്ള ഫോട്ടോ ഷൂട്ടുമായിട്ടാണ് താരം എത്തിയിരിക്കുന്നത്.
തെന്നിന്ത്യന്‍ കോസ്റ്റ്യയൂം ഡിസൈനറായ നീരജ കോനയാണ് സായിയെ സിംപിള്‍ ഹംപിള്‍ സുന്ദരിയാക്കിയിരിക്കുന്നത്.’അവള്‍ എന്റെയുള്ളിലെ ഫോട്ടോഗ്രാഫറെ ഉണര്‍ത്തി’ എന്ന കുറിപ്പും പങ്കുവച്ച് ചിത്രങ്ങള്‍ ഇന്‍സ്റ്റഗ്രാമില്‍ പങ്കുവെച്ചിരിക്കുന്നതും നീരജയാണ്.
വ്യത്യസ്ത തരത്തിലുള്ള ഇളംനിറങ്ങള്‍ കൂടിച്ചേര്‍ന്ന സിംപിള്‍ സാരിയാണ് സായ് പല്ലവി ധരിച്ചിരിക്കുന്നത്. ഇതിനൊപ്പം വൈറ്റ് സ്ലീവ്ലെസ് ബ്ലൗസ് പെയര്‍ ചെയ്തിരിക്കുന്നു. പതിവുപോലെ അലസമായി അഴിച്ചിട്ട തലമുടിയും ഹാങ്ങിങ് ഇയര്‍ റിങ്സും സായ് പല്ലവിയെ കൂടുതല്‍ സുന്ദരിയാക്കിയിരിക്കുന്നു.
റാണ ദഗ്ഗുബാട്ടിയും സായ്പല്ലവിയും കേന്ദ്രകഥാപാത്രങ്ങളായ തെലുങ്ക് ചിത്രം വിരാട പര്‍വമാണ് സായ് പല്ലവിയുടെ പുറത്തിറങ്ങിയ അവസാന ചിത്രം. വേണു ഉഡുഗുളയാണ് സംവിധാനം. തമിഴ്, തെലുങ്ക്, കന്നഡ ഭാഷകളിലായി ചിത്രീകരിച്ച ഗാര്‍ഗി എന്ന ചിത്രവും സായ് പല്ലവിയുടേതായി പുറത്തിറങ്ങാനിരിക്കുന്നുണ്ട്. ചിത്രം ജൂലൈ 15-ന് തിയേറ്ററുകളിലെത്തും.
