ഐസിസി വനിത ലോകകപ്പ് ഫൈനലില് ദക്ഷിണാഫ്രിക്കയെ 52 റണ്സിന് തോല്പ്പിച്ചാണ് ഇന്ത്യ കന്നി ലോകകപ്പ് കീരീടം നേടിയത്.
കിരീടം നേടിയ ഇന്ത്യൻ ടീമിന് പാരിതോഷികം പ്രഖ്യാപിച്ചിരിക്കുകയാണ് ബിസിസിഐ. 51 കോടി രൂപ സമ്മാനമായി നൽകുമെന്ന് ബിസിസിഐ അറിയിച്ചത്. ടൂർണമെന്റ് ജേതാക്കളായതിൽ ഐസിസിയിൽ നിന്ന് പ്രൈസ് മണിയായി 39.78 കോടി രൂപയും ടീമിന് ലഭിച്ചിരുന്നു.
കഴിഞ്ഞ വര്ഷം 20-20 ലോകകപ്പില് ദക്ഷിണാഫ്രിക്കയെ തോല്പിച്ച് കിരീടം നേടിയ രോഹിത് ശര്മയുടെ നേതൃത്വത്തിലുള്ള ഇന്ത്യൻ പുരുഷ ടീമിന് ബിസിസിഐ 125 കോടി രൂപയാണ് പാരിതോഷികമായി നല്കിയത്.
പുരുഷ-വനിതാ ടീമുകള്ക്ക് തുല്യവേതനം നല്കുന്ന കാര്യത്തില് ബിസിസിഐക്ക് അനുകൂല നിലപാടാണുള്ളത്. എന്നാല് ലോകകപ്പ് കിരീടം നേടുന്നതിന് മുമ്പ് പാരിതോഷികം പ്രഖ്യാപിക്കുന്നത് അനുചിതമാകും എന്നതിനാലാണ് പാരിതോഷികത്തിന്റെ കാര്യം ഔദ്യോഗികമായി പ്രഖ്യാപിക്കാത്തത് എന്ന് ബിസിസിഐ വൃത്തങ്ങളെ ഉദ്ധരിച്ച് വാര്ത്താ ഏജന്സിയായ പിടിഐ റിപ്പോര്ട്ട് ചെയ്തു. സമ്മാനത്തുക എന്തായാലും പുരുഷ ടീമിന് നല്കിയതില് നിന്ന് ഒട്ടും കുറയില്ലെന്നും ബിസിസിഐ വൃത്തങ്ങള് വ്യക്തമാക്കി.
