സോഷ്യൽ മീഡിയയിൽ പുതിയ എഐ ട്രെൻഡാണ് ഇപ്പോൾ തരംഗം സൃഷ്ടിക്കുന്നത്. ഒരുകാലത്ത് ജിബിലി സ്റ്റൈൽ ചിത്രങ്ങൾ ആരാധകരെ കീഴടക്കിയപ്പോൾ, അതിന് ശക്തമായ എതിരാളിയായി എത്തിയിരിക്കുന്നത് ഗൂഗിള് ജെമിനിയുടെ നാനോ ബനാന ടൂൾ ആണ്.
ഈ ടൂൾ ഉപയോഗിച്ച് 90കളിൽ ജനപ്രിയമായിരുന്ന സാരി സ്റ്റൈലിൽ പെൺകുട്ടികളെ അതിസുന്ദരമായി അവതരിപ്പിക്കുന്ന ചിത്രങ്ങളാണ് വൈറലാകുന്നത്. പഴയ കാലത്തിന്റെ സിംപിൾ എലഗൻസ്, ഇന്നത്തെ മോഡേൺ എഐ സൗന്ദര്യബോധവുമായി കലർന്നപ്പോൾ കിട്ടിയ ലുക്കാണ് സോഷ്യൽ മീഡിയയിൽ നിറഞ്ഞ് നിൽക്കുന്നത്.
ചിത്രങ്ങൾ സൃഷ്ടിക്കാൻ ഉപയോക്താക്കൾ ചാറ്റ് ജിപിടിയിലെയും മറ്റ് എഐ പ്ലാറ്റ്ഫോമുകളിലെയും പ്രത്യേക പ്രോംപ്റ്റുകൾ ഉപയോഗിക്കുന്നതായാണ് വിവരം. ഇതിനാൽ, “ജിബിലി ആർട്ട് സ്റ്റൈൽ” പോലെ തന്നെ, “90സ് സാരി ലുക്ക്” ഇപ്പോൾ യുവാക്കളുടെ പ്രിയപ്പെട്ട ട്രെൻഡായി മാറുകയാണ്.
വിദഗ്ധർ പറയുന്നത്, ഭാവിയിൽ ഇത്തരം എഐ ആർട്ട് ട്രെൻഡുകൾ സാമൂഹിക മാധ്യമങ്ങളിലെ ഫാഷൻ, ആർട്ട്, ഡിജിറ്റൽ മീഡിയ മേഖലകളിൽ വൻ മാറ്റങ്ങൾ സൃഷ്ടിക്കുമെന്ന്.
