ഡ്രൈവര്‍ ഹാന്‍ഡ്ബ്രേക്ക് ഇടാന്‍ മറന്നതോടെ കാര്‍ തിരക്കേറിയ റോഡിന് കുറുകെ പിന്നിലേക്ക് നീങ്ങി നദിയിലേക്ക് മറിഞ്ഞു. ലാത്വിയയിലെ റിഗയില്‍ ആണ് സംഭവം.
ഏപ്രില്‍ 14 ന് ആണ് സംഭവം. രണ്ടു പേര്‍ നദിക്ക് സമീപം കാര്‍ പാര്‍ക്ക് ചെയ്തത് കുറച്ച് മിനിറ്റുകള്‍ക്ക് ശേഷമാണ് കാര്‍ റോഡിന് കുറുകെ പതുക്കെ നീങ്ങാന്‍ തുടങ്ങി, ഹാന്‍ഡ് ബ്രേക്ക് പ്രയോഗിക്കുന്നതില്‍ പരാജയപ്പെട്ടതാണ് കാരണമെന്നാണ് പോലീസ് നിഗമനം.
വീഡിയോയില്‍, നദിക്ക് സമീപം ഒരു ചുവന്ന കാര്‍ പാര്‍ക്ക് ചെയ്യുന്നത് കാണാം. രണ്ട് പേര്‍ കാറില്‍ നിന്ന് പുറത്തിറങ്ങി, പത്ത് മിനിറ്റിന് ശേഷം, വാഹനം നദിയിലേക്ക് നീങ്ങുന്നത് കാണാം. ഒരു വെള്ള മിനിവാന്‍ കാറിന്റെ പിന്‍ഭാഗത്തൂടെ പോകുന്നതും വീഡിയോയില്‍ കാണാം. അതേസമയം ഡ്രൈവര്‍ ഓടിക്കുന്നതു പോലെ രണ്ട് പോസ്റ്റുകളിലെ കൂട്ടയിടി കൃത്യമായി ഒഴിവാകുന്നതും കാണാം. സ്പില്‍വേയില്‍ പ്രവേശിച്ച് കാര്‍ നദിയിലേക്ക് വീഴുന്നു. വീഡിയോയുടെ അവസാനം കാര്‍ വെള്ളത്തില്‍ മുങ്ങുന്നതായും കാണാം.
കഴിഞ്ഞ മാസം, സമാനമായ സാഹചര്യത്തില്‍, റോഡപകടത്തെത്തുടര്‍ന്ന് ഒരു കാര്‍ സ്‌കോട്ടിഷ് നദിയിലേക്ക് മറിഞ്ഞു. അബര്‍ഡീനിലെ ടില്ലിഡ്രോണ്‍ ഏരിയയിലെ ഡോണ്‍ബാങ്ക് ടെറസിലാണ് സംഭവം. കൂട്ടിയിടിയെ തുടര്‍ന്ന് വാഹനം ഡോണ്‍ നദിയിലേക്ക് മറിഞ്ഞെങ്കിലും പരിക്കുകളൊന്നും റിപ്പോര്‍ട്ട് ചെയ്തിട്ടില്ലെന്ന് സ്‌കോട്ട്ലന്‍ഡ് പോലീസ് സ്ഥിരീകരിച്ചു.
