പുതിയ ഉണ്ണിക്കുട്ടനുമൊത്തുള്ള അശോകേട്ടന്റെ ചിത്രം വൈറൽ. പറഞ്ഞു വരുന്നത് യോദ്ധയിലെ മലയാളികളുടെ സ്വന്തം തൈപ്പറമ്പിൽ അശോകനെ കുറിച്ച് തന്നെയാണ്. ഇന്നും മലയാളി മനസിൽ നിറഞ്ഞു നിൽക്കുന്ന ചിത്രമാണ് യോദ്ധ. ചിത്രത്തിലെ അശോകേട്ടൻ – ഉണ്ണിക്കുട്ടൻ കോംബോ വലിയ ഹിറ്റായി മാറിയിരുന്നു. ഇപ്പോൾ ഇതാ പുതിയ ഉണ്ണിക്കുട്ടനെ കണ്ടെത്തിയിരിക്കുകയാണ് മോഹൻലാൽ.
മനോഹരമായ ഒരു ചിത്രമാണ് മോഹൻലാൽ ഫേസ്ബുക്കിൽ പങ്കുവെച്ചത്. പഴയ അശോകേട്ടനും പുതിയ ഉണ്ണിക്കുട്ടനും- എന്ന അടിക്കുറിപ്പിലാണ് താരം ഫോട്ടോ പങ്കുവച്ചത്. മോഹൻലാലിന്റെ സുഹൃത്തായ സമീർ ഹംസയാണ് ചിത്രം പകർത്തിയത്. എന്തായാലും ചിത്രം ആരാധകർ ഏറ്റെടുത്തു കഴിഞ്ഞു.
എന്നാൽ, മോഹൻലാൽ കുറിച്ച് അടിക്കുറിപ്പ് ആരാധകർ തിരുത്തുന്നുണ്ട്. അശോകേട്ടൻ അല്ല അക്കോസേട്ടൻ എന്നാണ് ആ തിരുത്ത്. യോദ്ധയുടെ രണ്ടാം ഭാഗം എടുത്തൂടെ എന്ന ചോദ്യവും നിരവധി പേർ ഉന്നയിക്കുന്നുണ്ട്. പൃഥ്വിരാജ് സംവിധാനം ചെയ്യുന്ന എംമ്പുരാൻ ആണ് മോഹൻലാലിന്റെ പുതിയ ചിത്രം. ലൂസിഫറിന്റെ രണ്ടാം ഭാഗമായി എത്തുന്ന ചിത്രത്തിനായി ആരാധകർ വലിയ കാത്തിരിപ്പിലാണ്.
