മലയാളത്തിന്റെ പ്രിയ താരമാണ് നടന് ഉണ്ണി മുകുന്ദന്. ആരാധകലോകം കാത്തിരിക്കുന്ന താരത്തിന്റെ പുതിയ ചിത്രം റിലീസിന് ഒരുങ്ങിയിരിക്കുകയാണ്. ജയ് ഗണേഷ് ആണ് ഉണ്ണി മുകുന്ദന്റെ റിലീസിന് ഒരുങ്ങിയിരിക്കുന്ന ചിത്രം. ഏപ്രില് 11നാണ് ജയ് ഗണേഷ് റിലീസ് പ്രഖ്യാപിച്ചിരിക്കുന്നത്. ഇപ്പോഴിതാ താരത്തിന്റെ മറ്റ് ചിത്രങ്ങളുടെ അപ്ഡേറ്റ് പങ്കുവച്ചിരിക്കുകയാണ് താരം.
‘ഏപ്രില് 11-ന് ജയ് ഗണേഷ് റിലീസ് ചെയ്യും. തമിഴ് ചിത്രം ഗരുഡന് ഉടന് സ്ക്രീനിലെത്തും. ഗെറ്റ് സെറ്റ് ബേബിയുടെ ഷൂട്ടിംഗ് നടക്കുന്നു, ഗന്ധര്വ്വ ടീസര് നവംബര് ഒമ്പതിന് പുറത്തിറങ്ങും. സിനിമകളിലൂടെ നമുക്ക് കാണാം’ എന്നാണ് ഉണ്ണി മുകുന്ദന് ഇന്സ്റ്റാഗ്രാമില് കുറിച്ചത്.
രഞ്ജിത്ത് ശങ്കര് ഉണ്ണിമുകുന്ദനെ നായകനാക്കി തിരക്കഥയെഴുതിയ ചിത്രമാണ് ജയ് ഗണേഷ്. താരത്തിന്റെ കരിയറിലെ മറ്റൊരു സൂപ്പര് ഹിറ്റ് ചിത്രമാകും ജയ് ഗണേഷ് എന്ന് വ്യക്തമാക്കുകയാണ് ചിത്രത്തിന്റെ അപഡേറ്റുകളെല്ലാം.
തമിഴിലും ഉണ്ണിമുകുന്ദന് ചിത്രം ഒരുങ്ങുന്നുണ്ട്. ഉണ്ണിമുകുന്ദനെ നായകനാക്കി വെട്രിമാരന്റെ തിരക്കഥയില് ദുരൈ സെന്തില് കുമാര് ഒരുക്കുന്ന ഗരുഡന് അണിയറയിലൊരുങ്ങുകയാണ്. ചിത്രം ഉടന് റിലീസ് ചെയ്യുമെന്ന് ഉണ്ണി മുകുന്ദന് അറിയിച്ചു.
വിനയ് ഗോവിന്ദന്റെ സംവിധാനത്തിലൊരുങ്ങുന്ന ഉണ്ണി മുകുന്ദന്റെ വരാനിരിക്കുന്ന മറ്റൊരു ചിത്രമാണ് ഗെറ്റ് സെറ്റ് ബേബി. ഒരു പുരുഷ ഗൈനക്കോളജിസ്റ്റിന്റെ വേഷത്തിലാണ് ഉണ്ണി മുകുന്ദന് ചിത്രത്തിലെത്തുന്നത്. ‘ഗെറ്റ് സെറ്റ് ബേബി’യുടെ ചിത്രീകരണം പൂര്ത്തിയായിട്ടുണ്ട്.
മലയാള സിനിമയുടെ ചരിത്രത്തില് ആദ്യമായി ഒരു വില്ലന്റെ സ്പിന് ഓഫ് സിനിമയും വരുന്നുണ്ട്. ഹനീഫ് അദേനി സംവിധാനം ചെയ്യുന്ന ഏറ്റവും പുതിയ മാര്ക്കോ ചിത്രീകരണം ഉടന് ആരംഭിക്കും. സെക്കന്ഡ് ഷോ, കല്ക്കി തുടങ്ങിയ ചിത്രങ്ങളില് സഹ സംവിധായകനായിരുന്ന വിഷ്ണുവിന്റെ സംവിധാന അരങ്ങേറ്റമാണ് ഗന്ധര്വ്വ ജൂനിയര്. ഫാന്റസിയും തമാശകളും കലര്ന്ന ഉണ്ണിമുകുന്ദന്റെ ഒരു സൂപ്പര് ഹീറോ ചിത്രമെന്നാണ് അണിയറപ്രവര്ത്തകര് പറയുന്നത്.