ഈ കഴിഞ്ഞ ദിവസം നമ്മളിൽ മിക്കവരും ഫോൺ ഫ്ലൈറ്റ്മോഡിലും,ഡേറ്റ കണക്ഷന് ഓഫ് ചെയ്ത് ഓണാക്കിയും, ഫോൺ സ്വിച്ച് ഓഫാക്കിയും റീസ്റ്റാര്ട്ടും ചെയ്തും ഒക്കെ നോക്കിയിരുന്നു.അതിൽ തന്നെ ഒരു കൂട്ടം ആളുകൾ അതിൻറെ പിന്നിൽ പ്രവർത്തിക്കുന്നവരെ ശപിക്കുന്നു.അതെ പോലെ അതിൽ ചിലർ സാങ്കേതികവിദഗ്ധരെ ഫോണിൽ വിളിച്ച് കാര്യം വ്യക്തമാക്കുന്നു.ഒരു തരത്തിലും ഒന്നും തന്നെ ശരിയാകാതെ വന്നപ്പോൾ കുറച്ച് വ്യക്തികൾ വാട്സ്ആപ്പ് അണ് ഇന്സ്റ്റാള് ചെയ്ത് വീണ്ടും ഇന്സ്റ്റാള് ചെയ്യുന്നു.നാട് മുഴുവൻ ഈ കഴിഞ്ഞ ദിവസം രാത്രി 9.15 മുതല് ഇങ്ങനെയുള്ള കലാപരിപാടികൾ നടന്നിരുന്നു.ലോകത്ത് നിരവധി രാജ്യങ്ങളിൽ ഫേസ്ബുക്ക്,വാട്സ്ആപ്പ്, ഇന്സ്റ്റഗ്രാം തുടങ്ങിയ സോഷ്യൽ മീഡിയകൾ നിശ്ചലമായത്തോടെ എന്തായിരിക്കും കാര്യമെന്നറിയാതെ ഫോണിനോട് യുദ്ധം ചെയ്യുകയായിരുന്നു.
നെറ്റ് വർക്കിന്റെയോ അല്ലെങ്കിൽ ഫോണിന്റെയോ വലിയ പ്രശ്നാമായിരിക്കുമെന്ന ആശങ്ക വലിയ രീതിയിൽ തന്നെ നിലന്നിരുന്നു.ആ കാരണം കൊണ്ട് തന്നെ റീ സ്റ്റാര്ട്ടിങ്, ഫ്ലൈറ്റ്മോഡ് തുടങ്ങിയ ജോലികൾ മിക്കവരും ഏർപ്പെട്ടു.എന്തൊക്കെ ചെയ്തിട്ടും ഒരു കാര്യവുമില്ലെന്ന് കണ്ടപ്പോൾ ഏറ്റവും അടുത്തുള്ളവർക്കും ഇതേ അവസ്ഥ തന്നെയാണെന്ന് മനസ്സിലായപ്പോളാണ് ആശങ്കയ്ക്ക് ഒരു ആശ്വാസം ലഭിച്ചത്.ഏറ്റവും മികച്ച മൂന്ന് വമ്പൻമാർ വീണപ്പോൾ ട്വിറ്ററും ടെലഗ്രാമും താല്ക്കാലിക നായകന്മാരായി തിളങ്ങി.ഫേസ്ബുക്കിന് പോലും ലോകം മുഴുവനുള്ള തങ്ങളുടെ ഉപഭോക്താക്കളോട് ക്ഷമ ചോദിക്കുവാൻ ട്വിറ്ററില് കൂടി വരേണ്ടി വന്നിരുന്നു.ആ നിമിഷം ആളുകൾ ആശ്വാസം കണ്ടെത്തിയത് യൂട്യൂബും ഒ.ടി.ടി പ്ലാറ്റ്ഫോമുകളുമായിരുന്നു. ഈ സംഭവത്തെക്കുറിച്ച് നിമിഷങ്ങൾ കൊണ്ട് ഉണ്ടാക്കിയ ട്രോളുകള് പോസ്റ്റ് ചെയ്യാൻ തുടങ്ങിയപ്പോഴാണ് മിക്കവരും ഫേസ്ബുക്ക് ഇല്ലല്ലോയെന്ന് മനസ്സിലായത്.
ഈ പ്രശ്നം ഇന്ത്യയിൽ അതി രാവിലെയോടെയാണ് പരിഹരിക്കപ്പെട്ടത്.അത് കൊണ്ട് തന്നെ ആദ്യത്തെ പ്രാവശ്യം നേരത്തെ ഉറങ്ങിയതും നല്ലവണ്ണം ഉറങ്ങിയതും വളരെ വലിയ ഒരു അനുഭവം തന്നെയാണെന്ന് മിക്കവരും പ്രതികരിച്ചിരുന്നു. ഫോണിൽ കുത്തി ഇരുന്നു കൊണ്ട് രാത്രിയിൽ താമസിച്ച് ഉറങ്ങുന്നവരുടെ ഉറക്കം നേരത്തെയായിരുന്നു.അത് കൊണ്ട് തന്നെ രാവിലെ മുതല് ട്രോളുകളുടെ പൊങ്കാലയായിരുന്നു.ഫേസ്ബുക്കും വാട്സാപ്പും ഇല്ലാതെ ജീവിക്കാൻ പറ്റാത്തവരൊക്ക ഇതൊക്ക പരീക്ഷിക്കുന്നത് ഏറ്റവും നല്ലതായിരിക്കുമെന്നും വീട്ടിൽ കഞ്ഞി വെച്ചില്ലേലും സാരമില്ല ചാറ്റിങ് നടക്കട്ടെയെന്ന് വിചാരിച്ചു നടക്കുന്നവർക്ക് ഈ അവസ്ഥ ഒരിക്കലും മറക്കാൻ കഴിയാത്തതാണ് .